નાગરિકતા હોવા છતા પણ બિન-અમેરિકીને અમેરિકામાંથી હાંકી કાઢવાનું ટ્રમ્પનું પ્લાનીંગ

અમેરિકાના રાષ્ટ્રપતિ બન્યા પછી, ડોનાલ્ડ ટ્રમ્પે દેશમાંથી ગેરકાયદેસર ઇમિગ્રન્ટ્સને હાંકી કાઢવાનું શરૂ કર્યું છે. તેમણે દેશમાં સત્તા સંભાળી ત્યારથી, વેનેઝુએલા, ભારત, બ્રાઝિલ, મેક્સિકો સહિત ઘણા દેશોમાંથી હજારો લોકોને દેશનિકાલ કરવામાં આવ્યા છે. હવે એવું કહેવામાં આવી રહ્યું છે કે ટ્રમ્પ 227 વર્ષ જૂનો કાયદો લાવવાની તૈયારી કરી રહ્યા છે, જેનાથી દરેક બિન-અમેરિકનને હાંકી કાઢવામાં આવે તેવી શકયતા છે. રાષ્ટ્રપતિ ટ્રમ્પ આ કાયદો લાગુ કરશે તો અમેરિકા સહિત સમગ્ર વિશ્વમાં હોબાળો મચી જશે.

અહેવાલ મુજબ, ડોનાલ્ડ ટ્રમ્પ 1798માં બનેલા આ કાયદાને અમેરિકામાં ફરીથી લાગુ કરવા માંગે છે. આ કાયદો અમેરિકાના રાષ્ટ્રપતિને યુદ્ધ સમયની સત્તા આપે છે. આ અંતર્ગત, રાષ્ટ્રપતિ રાષ્ટ્રીય હિતના નામે કોઈપણ બિન-અમેરિકન નાગરિકને દેશમાંથી હાંકી કાઢી શકે છે. જોકે આ કાયદો યુદ્ધ સમય માટે હતો, પરંતુ હવે ડોનાલ્ડ ટ્રમ્પ તેને સામાન્ય પરિસ્થિતિઓમાં પણ લાગુ કરવા માંગે છે.

અમેરિકાના આ 227 વર્ષ જૂના કાયદામાં કહેવામાં આવ્યું છે કે જ્યારે પણ અમેરિકા અને અન્ય કોઈપણ દેશ વચ્ચે યુદ્ધ થાય છે, ત્યારે રાષ્ટ્રપતિ પાસે બિન-અમેરિકન મૂળના લોકો અંગે નિર્ણય લેવાની સત્તા હશે. તે ખાસ કરીને ૧૪ વર્ષ અને તેથી વધુ ઉંમરના લોકો અંગે નિર્ણયો લઈ શકે છે અને તેમને દેશમાંથી બહાર પણ કાઢી શકાય છે. આ કાયદા હેઠળ હાંકી કાઢવામાં આવેલા લોકોને 'પરદેશી દુશ્મન' જાહેર કરી શકાય છે.

એવી આશંકા છે કે રાષ્ટ્રપતિ ટ્રમ્પ સામાન્ય પરિસ્થિતિઓમાં ફરી એકવાર 18મી સદીના આ કાયદાને લાગુ કરી શકે છે. અમેરિકામાં આ અંગે ઘણી ચર્ચા થઈ રહી છે. જોકે, કાયદાકીય નિષ્ણાતો કહે છે કે જ્યારે અમેરિકા પર કોઈ પણ દેશ દ્વારા હુમલો કરવામાં આવ્યો નથી, ત્યારે ટ્રમ્પ માટે આ કાયદાનો અમલ કરવો મુશ્કેલ બનશે. ટ્રમ્પ વહીવટીતંત્ર ગેંગ અથવા કાર્ટેલ તરફથી ધમકીઓનો કેટલો પણ ઉલ્લેખ કરે, તે મહત્વનું નથી. તમને જણાવી દઈએ કે 2024 માં ડોનાલ્ડ ટ્રમ્પે ઘણી વખત કહ્યું હતું કે સત્તામાં આવ્યા પછી તેઓ ગેરકાયદેસર ઇમિગ્રન્ટ્સને દેશમાંથી બહાર ફેંકી દેશે. આ ઉપરાંત, તેમણે એલિયન એનિમીઝ એક્ટ લાગુ કરવાની પણ જાહેરાત કરી.