ભારત-બાંગ્લાદેશ સરહદ ઉપર તણાવ જેવી સ્થિતિ, સુરક્ષામાં કરાયો વધારો

નવી દિલ્હીઃ ભારત-બાંગ્લાદેશ સરહદ પર ફરી એકવાર પરિસ્થિતિ તણાવપૂર્ણ બની ગઈ છે. તાજેતરની ઘટના ભારતીય સરહદ સુરક્ષા દળ (BSF) અને બાંગ્લાદેશ સરહદ ગાર્ડ (BGB) કથિત રીતે આસામ-બાંગ્લાદેશ સરહદ પરના બે અલગ અલગ વિસ્તારોમાં - કુરિગ્રામમાં બોરાઈબારી અને આસામમાં માંકાચરમાં સામસામે આવી ગયા હતા. મંગળવારે વહેલી સવારે બાંગ્લાદેશના કુરીગ્રામ જિલ્લાના રૌમારી ઉપજિલ્લામાં બોરાઈબારી સરહદ પર તણાવ વધી ગયો હતો જ્યારે BSF એ કથિત રીતે 14 લોકોને નો-મેન્સ લેન્ડમાં ધકેલી દેવાનો પ્રયાસ કર્યો હતો. સ્થાનિક લોકો અને મીડિયા રિપોર્ટ્સ અનુસાર, આ ઘટના બોર્ડર પિલર નંબર 1067 પાસે બની હતી. કહેવામાં આવી રહ્યું છે કે BSF સૈનિકોએ 9 પુરુષો અને 5 મહિલાઓને બાંગ્લાદેશ મોકલવાનો પ્રયાસ કર્યો હતો.

કેટલાક પ્રત્યક્ષદર્શીઓનો દાવો છે કે આ સમય દરમિયાન BSF તરફથી ચાર રાઉન્ડ ગોળીબાર પણ થયો હતો. જોકે, BGB એ આ દાવાને સંપૂર્ણપણે નકારી કાઢ્યો અને કહ્યું કે તેઓ ઘટનાસ્થળે પહોંચ્યા અને શાંતિપૂર્ણ રીતે પરિસ્થિતિને સંભાળી લીધી હતી. સરહદ પાર કરવાનો પ્રયાસ કરતા પકડાયેલા લોકો હજુ પણ નો-મેન્સ-લેન્ડમાં ફસાયેલા છે. શરૂઆતની માહિતી મુજબ, બાંગ્લાદેશે હજુ સુધી તેમની નાગરિકતાની પુષ્ટિ કરી નથી.

બીજીબીના જમાલપુર બટાલિયન-35 ના સહાયક નિયામક શમસુલ હકે જણાવ્યું હતું કે પરિસ્થિતિ નિયંત્રણમાં છે અને ગોળીબારના અહેવાલો માત્ર અફવાઓ છે. તેમણે કહ્યું કે BGB એ શાંતિ જાળવવા માટે ફ્લેગ મીટિંગની ઓફર કરી છે. આસામના માંકાચર સેક્ટરની ઠાકુરાનબારી બોર્ડરથી પણ આવા જ સમાચાર આવ્યા છે. અહેવાલો અનુસાર, જ્યારે BGB એ અહીં પણ કથિત દબાણને રોકવાનો પ્રયાસ કર્યો, ત્યારે BSF એ શૂન્ય રેખા પર ચાર રાઉન્ડ ગોળીબાર કર્યો. કેટલાક સમયથી અહીં પણ પરિસ્થિતિ ખૂબ જ તંગ બની ગઈ હતી.

સુરક્ષા એજન્સીઓએ કહ્યું હતું કે, ઘટનાસ્થળે બંને પરિસ્થિતિ નિયંત્રણમાં છે, પરંતુ તણાવ સંપૂર્ણપણે સમાપ્ત થયો નથી. બીએસએફ અને બીજીબીના વરિષ્ઠ અધિકારીઓ ઘટનાસ્થળે હાજર છે અને પરિસ્થિતિ પર નજર રાખી રહ્યા છે. પરંતુ આ ઘટનાએ ફરી એકવાર બતાવ્યું કે ભારત-બાંગ્લાદેશ સરહદ કેટલી નાજુક અને સંવેદનશીલ છે.