ઇઝરાયલી સેનાએ ગાઝામાં નાસિર હોસ્પિટલ પર હુમલો કર્યો, બે ટોચના હમાસ કમાન્ડરો ઠાર મરાયાં

ઇઝરાયલ સંરક્ષણ દળોએ ગાઝામાં નાસેર હોસ્પિટલ પરના હુમલામાં બે ટોચના હમાસ કમાન્ડરોને ઠાર મારવામાં આવ્યાં હતા. ઇઝરાયલ ડિફેન્સ ફોર્સે X પરની એક પોસ્ટમાં લખ્યું હતું કે ગાઝામાં નાસેર હોસ્પિટલની અંદરથી કાર્યરત બે મુખ્ય હમાસ કમાન્ડરો માર્યા ગયા હતા. ગુપ્ત માહિતી એકત્રિત કર્યા પછી, આ હુમલો ચોકસાઈવાળા શસ્ત્રોથી કરવામાં આવ્યો હતો.

ઇઝરાયલી સૈન્યએ હમાસ પર નાગરિક સ્થળોનો ઢાલ તરીકે ઉપયોગ કરવાનો આરોપ મૂક્યો હતો. સૈન્યએ કહ્યું કે હમાસ નાગરિક માળખાકીય સુવિધાઓનો ઉપયોગ કરે છે, જેનાથી ગાઝાની વસ્તી જોખમમાં મુકાય છે. ઘાતક હુમલાઓનું આયોજન કરવા અને તેને અંજામ આપવા માટે હોસ્પિટલનો ઉપયોગ છુપાવાના સ્થળ તરીકે કરે છે. આ આંતરરાષ્ટ્રીય કાયદાનું સીધું ઉલ્લંઘન છે.

ઇઝરાયલ સંરક્ષણ દળોએ હમાસના બે ટોચના કમાન્ડરો ઠાર મરાયાની પુષ્ટિ કરી છે. સેનાએ જણાવ્યું હતું કે હમાસના ગાઝા બ્રિગેડના ડેપ્યુટી કમાન્ડર અને હમાસના શેજૈયા બટાલિયન કમાન્ડર માર્યા ગયા છે. તેની ઓળખ અહેમદ સલમાન આવાઝ શિમાલી તરીકે થઈ હતી. તે હમાસની આક્રમક વ્યૂહરચના બનાવવા અને આયોજન કરવા માટે જવાબદાર હતો. તે હમાસના દળોનું નિર્માણ કરી રહ્યો હતો.