ભારતીય શેરબજારમાં તેજી, IT અને PSUમાં વધારો

મુંબઈઃ સોમવારે સકારાત્મક વૈશ્વિક સંકેતો વચ્ચે ભારતીય શેરબજાર લીલા રંગના નિશાનમાં ખૂલ્યું હતું. શરૂઆતના ટ્રેડિંગમાં આઈટી, પીએસયુ બેંક અને ઓટો સેક્ટરમાં ખરીદી જોવા મળી હતી. સવારે 9.26 વાગ્યે સેન્સેક્સમાં 379 પોઈન્ટનો વધારા જોવા મળ્યો, જ્યારે નિફ્ટીમાં 116 પોઈન્ટનો વધારો જોવા મળ્યો હતો. નિફ્ટી બેંક 273 પોઈન્ટ ઉપર ટ્રેડ કરી રહ્યો હતો, જ્યારે નિફ્ટી મિડકેપ 100 ઈન્ડેક્સ 395 પોઈન્ટના વધારા સાથે ટ્રેડ કરી રહ્યો હતો.

વિશ્લેષકોના મતે, ગયા અઠવાડિયે RBI દ્વારા લેવામાં આવેલા નિર્ણયના કારણે બજારમાં રોકાણકારોનો ઉત્સાહ જીવંત રહ્યો છે. દરમિયાન, સેન્સેક્સમાં બજાજ ફાઇનાન્સ, એક્સિસ બેંક, ઇન્ડસઇન્ડ બેંક, કોટક મહિન્દ્રા બેંક અને ઇન્ફોસિસ સૌથી વધુ વધ્યા હતા. જ્યારે, ટાઇટન, ટાટા સ્ટીલ અને એટરનલ સૌથી વધુ ઘટ્યા હતા.

સકારાત્મક શરૂઆત પછી, નિફ્ટી 25,000 પર સપોર્ટ મેળવી શકે છે, ત્યારબાદ 24,900 અને 24,800 પર સપોર્ટ મેળવી શકે છે. નિષ્ણાતોએ જણાવ્યું હતું કે, ઉપરની બાજુએ, 25,100 તાત્કાલિક રેસિસ્ટન્સ બની શકે છે, ત્યારબાદ 25,200 અને 25,300 પર, વેપારીઓને શિસ્તબદ્ધ અભિગમ જાળવવાની સલાહ આપવામાં આવે છે. ચોઇસ બ્રોકિંગના હાર્દિક મટાલિયાએ જણાવ્યું હતું કે, મોટી રાતોરાત પોઝિશન લેવાનું ટાળવું અને તેના બદલે ટૂંકા ગાળાના ટ્રેડિંગ તકો પર ધ્યાન કેન્દ્રિત કરવું સમજદારીભર્યું છે.