ગુજરાતમાં અત્યાર સુધી 40.74% સરેરાશ વરસાદ, 17 ડેમ છલકાયાં

ગાંધીનગરઃ ગુજરાતમાં ચોમાસાની ઋતુએ જોર પકડ્યું છે અને અત્યાર સુધી રાજ્યમાં કુલ 359.24 મીમી એટલે કે 40.74% સરેરાશ વરસાદ નોંધાયો છે. વિવિધ વિસ્તારોમાં ધોધમાર વરસાદની નોંધ સાથે અનેક ડેમ ભરાઈ ચૂક્યા છે અને કેટલીક નદીઓ પણ ઓવરફ્લો થઈ રહી છે. છેલ્લા 24 કલાકમાં કુલ 201 તાલુકાઓમાં વરસાદ નોંધાયો છે. જેમાં સર્વાધિક વરસાદ સુરત જિલ્લાના પલસાણા તાલુકામાં 96 મીમી (3.78 ઇંચ) નોંધાયો છે. અન્ય મુખ્ય તાલુકાઓમાં બનાસકાંઠાના કાંકરેજ (91 મીમી), સુરેન્દ્રનગરના લાઠકર (87 મીમી), વલસાડ (82 મીમી) અને વાપી (80 મીમી) નો સમાવેશ થાય છે.

રાજ્યના કુલ 206 જળાશયો પૈકી લગભગ 17 ડેમો સંપૂર્ણ રીતે ભરાઈ ચૂક્યા છે, જ્યારે 44 ડેમો 70%થી વધુ ભરાવ સાથે 'હાઈ એલર્ટ' પર છે. સૌથી વધુ 100% ભરેલા ડેમો અમરેલી, ભાવનગર, બોટાદ, કચ્છ, મોરબી અને સુરન્દ્રનગર જેવા જિલ્લાઓમાં છે. નર્મદા ડેમ (સરદાર સરોવર) પણ 46.91% જળસંગ્રહ સાથે કાર્યરત છે, જેમાં 28,486 ક્યૂસેક પાણીનો પ્રવાહ જોવા મળ્યો હતો. જામનગર જિલ્લામાં આવેલ રણજિતસાગર અને વાગડીયા નદીઓ ઓવરફ્લો સ્થિતિમાં છે, જ્યારે ડેમો અને તળાવો હજુ ઓવરફ્લો થયા નથી.

રાજ્યના વિવિધ જિલ્લામાં NDRF અને SDRFની કુલ 33 ટીમો તહેનાત છે. સૌથી વધુ ટીમો અમદાવાદ, રાજકોટ, સુરત અને વડોદરા જિલ્લામાં રાખવામાં આવી છે. વડોદરા ખાતે બે રિઝર્વ ટીમો પણ તૈયાર રાખવામાં આવી છે. વરસાદને કારણે વીજ પુરવઠામાં ખલેલ પડી હતી. રાજ્યના 14,303 ગામોમાંથી માત્ર 2 ગામમાં વીજ પુરવઠા કાર્ય ચાલુ કરવાની કામગીરી બાકી છે. કુલ 20247 પોઇલમાંથી 143 હજુ બદલવાના બાકી છે. 11 ટ્રાન્સફોર્મર કેન્દ્રોમાં પણ કામગીરી ચાલુ છે. IMD દ્વારા જારી સૂચન અનુસાર 5થી 7 જુલાઈ દરમિયાન દરિયામાં ન જવા માટે માછીમારોએ ચેતવણી આપવામાં આવી છે.