કડી અને વિસાવદર વિધાનસભા મત વિસ્તારના તાલુકાઓની ગ્રામ પંચાયતની ચૂંટણી મૂલતવી રખાઈ

ગાંધીનગરઃ આગામી દિવસોમાં રાજ્યમાં યોજાનારી કુલ 8,326 ગ્રામ પંચાયતની ચૂંટણીમાં હવે કડી અને વિસાવદર વિધાનસભાના મતક્ષેત્રમાં આવતા તાલુકાઓની ગ્રામ પંચાયતોની ચૂંટણી નહી યોજાય.

રાજ્ય ચૂંટણી આયોગે એક અખબારી યાદીમાં જણાવ્યું કે, આગામી દિવસોમાં રાજ્યમાં યોજાનારી કુલ 8,326 ગ્રામ પંચાયતની ચૂંટણીમાં હવે કડી અને વિસાવદર વિધાનસભાના મતક્ષેત્રમાં આવતા તાલુકાઓની ગ્રામ પંચાયતોની ચૂંટણી નહી યોજાય.

ચૂંટણી પંચના જણાવ્યા મુજબ, આ કડી વિધાનસભા મત ક્ષેત્રમાં કડી અને જોટાણા તાલુકો સમાવિષ્ટ છે. સાથે જ વિસાવદર વિધાનસભા મત વિસ્તારમાં વિસાવદર, ભેંસાણ, જૂનાગઢ ગ્રામ્ય અને અમરેલીના બગસરા તાલુકાનો સમાવેશ થાય છે. ત્યારે આ તામામ તાલુકામાં આવતી ગ્રામ પંચાયતોની ચૂંટણી મુલતવી રાખવામાં આવી છે.

આ બંને વિધાનસભાની પેટા ચૂંટણીની કામગીરીમાં તમામ સ્ટાફ રોકાયેલો છે. જેના કારણે ગ્રામ પંચાયતોની ચૂંટણીને મુલતવી રાખવાનો નિર્યણ રાજ્ય ચૂંટણી આયોગે કર્યો છે. આ તાલુકાઓની ગ્રામ પંચાયતોની ચૂંટણી માટે હવે પછી નવો ચૂંટણી કાર્યક્રમ જાહેર કરવામાં આવશે.