વડોદરાની વિશ્વામિત્રી નદીમાં ડ્રેજિંગના કામને લીધે 300 મગરોને સ્થળાંતરિત કરાશે
- વિશ્વામિત્રી નદીમાં મગરોને કામચલાઉ સ્થળાંતરિત કરાશે
- વડોદરા મ્યુનિ.કોર્પોરેશને વન વિભાગ પાસે માગી મંજુરી
- નદીમાં કાપ કાઢવા માટે ડ્રેજિંગ કરવું જરૂરી છે
વડોદરાઃશહેરના મધ્યમાંથી પસાર થતી વિશ્વામિત્રી નદી એ મગરોનું ઘર ગણાય છે. નદીમાં 300થી વધુ મગરોનો વસવાટ છે. ગત ચોમાસામાં વિશ્વામિત્રીના પૂરમાં મગરો તણાઈને શહેરની સોસાયટીઓમાં આવી ગયા હતા. નદીના કાંઠા વિસ્તારમાં પણ અવાર-નવાર મગરો આવી જતા હોય છે. ગત ચોમાસામાં વિશ્વામિત્રી નદીમાં ભારે પૂર આવ્યા હતા. નદીમાં સતત કાપ ભરાવવાને લીધે નદી છીછરી બની ગઈ છે. આથી નદીને ડ્રેજિંગ કરીને ઊંડી ઉતારવી જરૂરી છે. પણ ડ્રેજિંગ કરતા પહેલા મગરોને કામચલાઉ સ્થળાંતર કરાશે. જેના માટે વન વિભાગની મંજુરી માગવામાં આવી છે.
વડોદરામાં આવેલી વિશ્વામિત્રી નદી 300 થી વધુ મગરોનું ઘર છે. શહેરમાંથી પસાર થતી નદીના 24 કિલોમીટરના પટમાં લગભગ 300 મગરોનો વસવાટ છે. શહેરની મ્યુનિ.કોર્પોરેશન દ્વારા વિશ્વામિત્રી નદીને ઊંડી ઉતારવાનો નિર્ણય લેવામાં આવ્યો છે. અને વિશ્વામિત્રી નદીમાં ડ્રેજિંગનું કામ આ મહિનાના અંતમાં શરૂ થવાની શક્યતા છે. જેના કારણે આ મગરોને અસ્થાયી રૂપે સ્થળાંતર કરવા પડી શકે છે. આ અંગે વન વિભાગના એક અધિકારીએ જણાવ્યું હતું કે વડોદરા મ્યુનિસિપલ કોર્પોરેશન (VMC) દ્વારા મગરોને કામચલાઉ રીતે સ્થળાંતરિત કરવાનો પ્રસ્તાવ અંતિમ મંજૂરી માટે મુખ્ય મુખ્ય વન સંરક્ષક (વન્યજીવન) ને મોકલવામાં આવ્યો છે.
વડોદરા મ્યુનિના ડિસિલ્ટિંગ પ્રોજેક્ટના એક્ઝિક્યુટિવ એન્જિનિયર લક્ષાંક નેધારિયાએ જણાવ્યું હતું કે, "સપ્ટેમ્બરમાં વડોદરા શહેરમાં આવેલા પૂર પછી, ગુજરાત સરકાર દ્વારા નિયુક્ત કરાયેલી ઉચ્ચ સ્તરીય સમિતિએ ચોમાસા પહેલા ડિસિલ્ટિંગ દ્વારા નદીની ક્ષમતા વધારવાની ભલામણ કરી હતી તેમણે કહ્યું કે નાગરિક સંસ્થાએ જરૂર પડ્યે મગરોને ખસેડવા માટે વન વિભાગ પાસેથી પરવાનગી પણ માંગી છે. ગયા ઓગસ્ટમાં, વિશ્વામિત્રી નદીના પૂરના પાણી શહેરમાં ઘૂસતા વડોદરાના અનેક વિસ્તારો પાણીમાં ડૂબી ગયા હતા, જેના કારણે 3,000 લોકોને સ્થળાંતર કરવાની ફરજ પડી હતી. વડોદરામાં પૂરના કારણો સમજવાનો પ્રયાસ કરતી પાંચ સભ્યોની સમિતિએ નદીની વહન ક્ષમતા વધારવા માટે કાંપ કાઢવાની ભલામણ કરી હતી, જેમાં નદીને ઊંડી અને પહોળી કરવાનો સમાવેશ થાય છે.
વડોદરા મ્યુનિ.કોર્પોરેશનના સત્તાધિશોએ વિશ્વામિત્રી નદી સુધી રેમ્પ અને એપ્રોચ રોડ બનાવવાનું શરૂ કરી દીધું છે. કાદવ કાઢવાનું કામ 14 જાન્યુઆરી પછી શરૂ થશે અને જે આગામી 100 દિવસ સુધી ચાલુ રહેશે," આ અંગે મ્યુનિસિપલ કોર્પોરેશનના અધિકારીએ જણાવ્યું હતું કે ટેન્ડર બહાર પાડીને કામ આપવામાં આવશે. "નદીના 24 કિમી લાંબા વિસ્તારમાં લગભગ 300 મગર રહે છે, તેથી અમે વન વિભાગ પાસેથી મંજૂરી માંગી છે. અમે પ્રસ્તાવ મૂક્યો છે કે જો જરૂર પડે તો, વન વિભાગની મદદથી મગરોને બે કૃત્રિમ તળાવોમાં સ્થાળાંતરિત કરી શકાય છે અને તેમને કાદવ કાઢ્યા પછી પાછા નદીમાં છોડી શકાય છે. વડોદરા સામાજિક વનીકરણ વિભાગના નાયબ વન સંરક્ષક અગ્નિશ્વર વ્યાસે જણાવ્યું હતું કે, મગરોને કામચલાઉ રીતે સ્થળાંતરિત કરવાના VMCના પ્રસ્તાવને અંતિમ મંજૂરી માટે મુખ્ય મુખ્ય વન સંરક્ષક (વન્યજીવન) ને મોકલવામાં આવ્યો છે.
તેમણે કહ્યું કે જો ડિસિલ્ટિંગનું કામ તબક્કાવાર કરવામાં આવે તો કામચલાઉ સ્થળાંતરની જરૂર નહીં પડે. નદીના 24 કિમી લાંબા વિસ્તારમાં લગભગ 300 મગર રહે છે, તેથી અમે વન વિભાગ પાસેથી મંજૂરી માંગી છે. અમે દરખાસ્ત કરી છે કે જો જરૂર પડે તો, વન વિભાગની મદદથી મગરોને બે કૃત્રિમ તળાવોમાં સ્થાનાંતરિત કરી શકાય છે અને કાંપ કાઢ્યા પછી પાછા નદીમાં છોડી શકાય છે.
