નારી શક્તિ: ચીન સરહદ પર હવે મહિલા યોદ્ધાઓની તૈનાતી, 14 હજાર ફૂટની ઊંચાઈએ સંભાળશે 10 ચોકીઓની કમાન
નવી દિલ્હીઃ ભારત–તિબ્બત સીમા પોલીસ (ITBP) હવે ચીન સાથે જોડાયેલી એલએસી (LAC) પર એવી 10 નવી સીમા ચોકીઓ સ્થાપિત કરશે, જેમની કમાન સંપૂર્ણપણે મહિલા યોદ્ધાઓના હાથમાં રહેશે. આમાંથી બે ચોકીઓની સ્થાપન પ્રક્રિયા શરૂ થઈ ગઈ છે, જ્યારે બાકી આઠ ચોકીઓ ટૂંક સમયમાં કાર્યરત થવાની છે. ITBP 3,488 કિલોમીટર લાંબી ભારત-ચીન વાસ્તવિક નિયંત્રણ રેખાની સુરક્ષા સંભાળે છે, જે અત્યંત કપરી અને હિમપ્રદેશિય વિસ્તાર છે. દળની ઉપલબ્ધ સીમા ચોકીઓ 9,000થી 14,000 ફૂટની ઊંચાઈ પર સ્થિત છે.
જમ્મુમાં યોજાયેલી 64મી સ્થાપના દિવસની પરેડ દરમિયાન ITBPના મહાનિદેશક પ્રવિણ કુમારે જણાવ્યું કે, મહિલા યોદ્ધાઓની ભૂમિકા વધારવા માટે લદ્દાખના લુકુંગ અને હિમાચલ પ્રદેશના થાંગી ખાતે મહિલાઓની આગેવાની હેઠળની બે નાની સીમા ચોકીઓ સ્થાપવાની પ્રક્રિયા ચાલુ છે. આ પહેલને આગળ વધારતા કુલ 10 મહિલા ચોકીઓ ઉભી કરવામાં આવશે, જેમાંથી આઠ પછી કાર્યરત થશે.
લદ્દાખમાં 2020ની સૈનિક ઝપાઝપી પછી શરૂ કરવામાં આવેલી મહત્વાકાંક્ષી ફોરવર્ડ ડિપ્લોયમેન્ટ યોજના હેઠળ, દળે અત્યાર સુધી ઉત્તર અને પૂર્વ સરહદ પર કુલ 215 થરાવદાર સીમા ચોકીઓની સ્થાપના કરી છે. મહાનિદેશકે જણાવ્યું કે, “અમે ફોરવર્ડ ડિપ્લોયમેન્ટ યોજનાને મજબૂત બનાવી છે, જેના કારણે સીમા ચોકીઓની સંખ્યા અગાઉની 180 સામે વધીને 215 થઈ ગઈ છે.” તેમણે ઉમેર્યું કે સાત નવી બટાલિયનોએ અને એક નવા સેક્ટર મથકે આ યોજનાને વધુ મજબૂત બનાવી છે, જેના કારણે સરહદી વિસ્તારોમાં પહોચ અને દેખરેખ ક્ષમતા વધારી શકાય છે.
કેન્દ્ર સરકારે વર્ષ 2023માં ITBP માટે સાત નવી બટાલિયન અને લગભગ 9,400 કર્મચારીઓ ધરાવતા એક નવા સેક્ટર મુખ્યાલયને મંજूरी આપી હતી, જે હવે કારર્ગત બનતા દળને વધુ શક્તિ પ્રદાન કરી રહ્યું છે.
