વૈભવ સૂર્યવંશીએ પોતાની રેકોર્ડબ્રેક સદી દરમિયાન 7 છગ્ગા ફટકારીને ઇતિહાસ રચ્યો

નવી દિલ્હી: ઉભરતા ભારતીય ક્રિકેટ સ્ટાર વૈભવ સૂર્યવંશીએ ઇતિહાસમાં પોતાનું નામ નોંધાવ્યું છે. 14 વર્ષની ઉંમરે, તે સૈયદ મુશ્તાક અલી ટ્રોફીમાં સદી ફટકારનાર સૌથી નાની ઉંમરનો બેટ્સમેન બન્યો.

બિહારનું પ્રતિનિધિત્વ કરતા વૈભવ સૂર્યવંશીએ ઇડન ગાર્ડન્સ ખાતે મહારાષ્ટ્ર સામે અણનમ સદી ફટકારી હતી. ડાબા હાથના આ બેટ્સમેને માત્ર 61 બોલમાં સાત ચોગ્ગા અને સાત છગ્ગા ફટકારીને અણનમ 108 રન બનાવ્યા હતા. વૈભવની ઇનિંગ્સના આધારે, બિહારે 20 ઓવરમાં 176/3 રન બનાવ્યા.

વૈભવ સૂર્યવંશીએ અર્શીન કુલકર્ણી દ્વારા ફેંકાયેલી 20મી ઓવરના પહેલા બોલ પર ચોગ્ગો ફટકારીને પોતાની સદી પૂરી કરી. તેણે 58 બોલમાં સદી પૂરી કરી. વૈભવની ઇનિંગ્સમાં ધીરજ અને આક્રમકતાનું અદ્ભુત મિશ્રણ જોવા મળ્યું.

વૈભવ સૂર્યવંશીની સદી ખૂબ જ મહત્વપૂર્ણ સમયે આવી. તે અગાઉની ત્રણ મેચમાં 14,13 અને 5 રન બનાવીને આઉટ થયો હતો. મેચમાં, વૈભવે આકાશ રાજ (26) સાથે ત્રીજી વિકેટ માટે 70 રનની ભાગીદારી કરી અને પછી આયુષ લોહારુકા (25*) સાથે અણનમ ૭૫ રનની ભાગીદારી કરી.