UGCએ આવતા વર્ષથી UG અને PG પ્રવેશ માટે CUETમાં ફેરફારોની જાહેરાત કરી

નવી દિલ્હીઃ વિશ્વ વિદ્યાલય અનુદાન આયોગ -UGCએ આવતા વર્ષથી પૂર્વસ્નાતક-UG અને અનુસ્નાતક – PG પ્રવેશ માટે કોમન યુનિવર્સિટી એન્ટ્રન્સ ટેસ્ટ – CUETમાં ફેરફારોની જાહેરાત કરી છે.

CUET-UG 2025 થી માત્ર કમ્પ્યુટર આધારિત ટેસ્ટ સીબીટી મોડમાં જ લેવાશે. UGCના અધ્યક્ષ એમ જગદેશ કુમારે માધ્યમોને જણાવ્યું કે વિદ્યાર્થીઓને ધોરણ-12માં ભણેલા વિષયોને ધ્યાનમાં લીધા વિના કોઈ પણ વિષયમાં CUET-UG માટે બેસવાની મંજૂરી અપાશે.

CUET- યુજી 2025 સત્રથી 37 ને બદલે 63 વિષયોમાં લેવાશે. તમામ CUET-UG પરીક્ષાઓનો સમયગાળો 60 મિનિટનો એકસમાન હશે.
શ્રી કુમારે જણાવ્યું કે પરીક્ષામાં વૈકલ્પિક પ્રશ્નોનો ખ્યાલ દૂર કરાયો અને હવે તમામ પ્રશ્નો ફરજિયાત રહેશે. વિદ્યાર્થીઓ વર્ષ 2025થી CUET-UGમાં વધુમાં વધુ પાંચ વિષયો માટે હાજર રહી શકશે, જે અગાઉ છ હતા. UGCના અધ્યક્ષે જણાવ્યું કે આયોગ દ્વારા રચાયેલી નિષ્ણાત પેનલે પરીક્ષાની સમીક્ષા હાથ ધરી હતી અને ઘણા ફેરફારો સૂચવ્યા હતા.