વિશ્વમાં સૌથી ઝડપી ઇન્ટરનેટ સ્પીડ એશિયા અને મધ્ય પૂર્વમાં

વિશ્વમાં ઓક્ટોબર 2024 સુધીમાં કુલ લગભગ 600 કરોડ ઈન્ટરનેટ યુઝર્સ હતા. આમ છેલ્લા એક વર્ષમાં આ આંકડામાં 151 મિલિયનનો વધારો થયો છે. દરેક વ્યક્તિને ઇન્ટરનેટની જરૂર છે જે વિશ્વના કોઈપણ ખૂણામાં બેઠેલા લોકોને જોડે. જ્યારે ઈન્ટરનેટ બંધ થાય છે ત્યારે દુનિયા અટકી જાય છે. દરેક વ્યક્તિ તેના પર નિર્ભર છે.

આ ઉપરાંત, મોબાઇલ ફોન આપણા જીવનમાં વધુ મહત્વપૂર્ણ ભૂમિકા ભજવી રહ્યા છે. 2023 ના અંત સુધીમાં, વિશ્વની 58 ટકા વસ્તી ઇન્ટરનેટનો ઉપયોગ કરતી હશે. જેમ જેમ ઇન્ટરનેટનો ઉપયોગ વધી રહ્યો છે તેમ તેની સ્પીડ પણ વધી છે. લોકો ઇચ્છે છે કે આંખના પલકારામાં તેમના મોબાઇલ પર વસ્તુઓ ડાઉનલોડ થઈ જાય અને તે જ થઈ રહ્યું છે. ગયા વર્ષની સરખામણીમાં, યુઝર્સને કોઈપણ સામગ્રી ડાઉનલોડ કરવા માટે 55.8 MBPSની સ્પીડ મળી રહી છે, જેને આપણે સાદી ભાષામાં ડાઉનલોડ સ્પીડ કહીએ છીએ. ઘણા દેશોમાં આ સ્પીડ 100 MBPS છે.

વિશ્વમાં સૌથી ઝડપી ઇન્ટરનેટ સ્પીડ એશિયા અને મધ્ય પૂર્વમાં છે. UAE સૌથી ઝડપી મોબાઇલ ડાઉનલોડ સ્પીડ સાથે પ્રથમ ક્રમે છે. દેશની રાજધાનીમાં ઈન્ટરનેટની સ્પીડ લગભગ 100 ગણી વધી ગઈ છે. આગામી વર્ષોમાં તેમાં ત્રણ ગણો વધારો થવાની ધારણા છે. 2012 થી, UAE ઇન્ટરનેટ પાવરહાઉસ તરીકે ઉભરી આવ્યું છે. જો દુનિયાની સૌથી મોટી અર્થવ્યવસ્થા અમેરિકાની વાત કરીએ તો તે મોબાઈલ ડાઉનલોડ સ્પીડના મામલે 13મા નંબર પર છે.

સ્પીડટેસ્ટ ગ્લોબલ ઈન્ડેક્સે નવેમ્બર 2024 સુધીમાં સૌથી વધુ મધ્યમ મોબાઈલ ઈન્ટરનેટ સ્પીડના આધારે દેશોને ક્રમાંક આપ્યો છે. સૌથી ઝડપી મોબાઈલ ઈન્ટરનેટ સ્પીડ ધરાવતા 10 દેશમાં UAE, કતાર, કુવૈત, બલ્ગેરિયા, ડેનમાર્ક, દક્ષિણ કોરિયા, નેધરલેન્ડ, નોર્વેજીયન, ચીન અને લક્ઝમબર્ગનો સમાવેશ થાય છે.

ભારતમાં 900 મિલિયનથી વધુ ઇન્ટરનેટ વપરાશકર્તાઓ છે. ચીન પછી અહીં સૌથી વધુ યુઝર્સ છે. ઈન્ડેક્સ અનુસાર, ભારતની રેન્કિંગમાં સુધારો થયો છે અને તે 25માં સ્થાને છે. અહીં ડાઉનલોડ સ્પીડ 100.78 MBPS છે. અપલોડ સ્પીડ 9.08 MBPS છે.