હોમગુજરાતદેશ-વિદેશરાજનીતિમનોરંજનટેકનોલોજીવેપારપ્રવાસરમત - ગમતરિવોઈહિરોઝ
Advertisement

ઈડર તાલુકાના સીંગા ગામે SOGએ રેડ પાડીને નકલી દૂધ બનાવનારી ફેકટરી પકડી

02:50 PM Nov 30, 2025 IST | Vinayak Barot
Advertisement

હિંમતનગરઃ સાબરકાંઠા જિલ્લાના ઈડર તાલુકાના સીંગા ગામે ફેટકરીમાં નકલી દૂધ બનાવાતુ હોવાની બાતમી મળતા એસઓજી ( સ્પેશિયલ ઓપરેશન ગૃપ) પોલીસે દરોડો પાડતા 200 લિટર શંકાસ્પદ દૂધ અને તેને બનાવવા માટેનો સામાન મળી આવ્યો હતો. પોલીસે એક શખ્સને ઝડપી લીધો હતો, જોકે તેનું નિવેદન લીધા બાદ તેને છોડી મૂકાતા લોકોમાં રોષ જોવા મળ્યો હતો. લોકોના આરોગ્ય સાથે ચેડા કરનારા શખશને માત્ર નિવેદન નોંધીને છોડી મુકાતા પોલીસની કામગીરી સામે પણ સવાલો ઊઠ્યા હતા.

Advertisement

જિલ્લા એસઓજી ટીમને ATS ચાર્ટર સંબંધિત પેટ્રોલિંગ દરમિયાન બાતમી મળી હતી. બાતમીના આધારે, ઈડર તાલુકાના સીંગા ગામમાં રામજી મંદિર પાસે પટેલ ફળીમાં આવેલા અશ્વિનકુમાર સુનીલભાઈ શર્માના રહેણાંક મકાનમાં દરોડો પાડવામાં આવ્યો હતો. આ દરોડામાં હિંમતનગરના ખોરાક અને ઔષધ નિયમન તંત્રના અધિકારીઓને પણ સાથે રાખવામાં આવ્યા હતા. સિંગા ગામે એક રહેણાંક મકાનમાં નકલી દૂધ બનાવવાની ફેક્ટરી ચાલતી હતી. સોયાબીન તેલ, મેલ્ટો ડોક્સિન, વૉશિંગ પાઉડર અને પાણી મિક્સ કરીને દૂધ જેવું દેખાતું બનાવટી દૂધ તૈયાર કરવામાં આવતું હતું.  પોલીસે 200 લિટર શંકાસ્પદ દૂધ અને ભેળસેળનો તમામ માલ ઝડપી લીધો હતો.અને નમૂના ફૂડ એન્ડ ડ્રગ્સ વિભાગને પરીક્ષણ માટે મોકલી આપ્યા છે. પોલીસે મુખ્ય આરોપી અશ્વિન શર્માને નિવેદન નોંધીને છોડી મૂક્યો હતો. પોલીસ કહે છે કે, લેબમાંથી દૂધનો રિપોર્ટ આવે ત્યારે જ કાર્યવાહી થશે.

રાજ્યમાં નકલી ઘી, નકલી મસાલા, અને નકલી નકલી દૂધ પકડાઈ રહ્યા છે. લોકોના આરોગ્ય સાથે ચેડા કરતા ભેળસેળિયા તત્વો સામે કડક હાથે કામ લેવાની માગ ઊઠી છે. જ્યાં સુધી ભેળસેળીયાઓને તુરંત જેલ નહીં નાખવામાં આવે, ત્યાં સુધી ખાદ્ય ચિજ-વસ્તુઓમાં ભેળસેળ અટકવાની નથી.

Advertisement

Advertisement
Tags :
Aajna SamacharBreaking News GujaratiEderfactory caughtfake milkGujarati AkhbarGujarati HeadlinesGujarati newsGujarati News ChannelGujarati NewspaperGujarati ReportGujarati samacharLatest News Gujaratilocal newsLocal SamacharLokpriya SamacharMajor NEWSMota BanavNews ArticleNews BlogNews in GujaratiNews LiveNews UpdatesPopular NewsSamachar ArticleSamachar BlogSamachar LiveSamachar SamacharTaja Samacharviral news
Advertisement
Next Article