બાબા સિદ્દીકી હત્યા કેસના મુખ્ય શૂટર શિવકુમાર ગૌતમની પોલીસ તપાસમાં ચોંકાવનારો ખુલાસો

NCPના નેતા બાબા સિદ્દીકીની હત્યા કેસમાં પોલીસે ચાર્જશીટ દાખલ કરી છે. સિદ્દીકી પર હુમલાના મુખ્ય શૂટર આરોપી શિવકુમાર ગૌતમે પોલીસને આપેલા પોતાના કબૂલાતના નિવેદનમાં ઘણા ખુલાસા કર્યા છે. મોટો ખુલાસો એ છે કે ગેંગસ્ટર અનમોલ બાબા સિદ્દીકીને કેમ મારવા માંગતો હતો.

અનમોલ અનમોલ બિશ્નોઈને મારવાનો આપ્યો આદેશ
કુખ્યાત ગુનેગાર અનમોલ બિશ્નોઈએ રાષ્ટ્રવાદી કોંગ્રેસ પાર્ટી (NCP)ના નેતા બાબા સિદ્દીકી પર "દાઉદ ઈબ્રાહિમ સાથેના સંબંધો અને 1993ના મુંબઈ વિસ્ફોટોમાં સંડોવણી" બદલ હુમલો કરવાનો આદેશ આપ્યો હતો. સિદ્દીકી પર હુમલાના મુખ્ય શૂટર આરોપી શિવકુમાર ગૌતમે પોલીસને આપેલા પોતાના કબૂલાતના નિવેદનમાં આ વાત કહી. ગૌતમનું કબૂલાત નિવેદન 12 ઓક્ટોબરે મહારાષ્ટ્રના ભૂતપૂર્વ મંત્રી સિદ્દીકીની હત્યાના સંબંધમાં દાખલ કરવામાં આવેલી ચાર્જશીટનો એક ભાગ છે. સિદ્દીકી (66)ની મુંબઈના બાંદ્રા ઈસ્ટ વિસ્તારમાં તેમના પુત્ર ઝીશાન સિદ્દીકીની ઓફિસની બહાર ત્રણ હુમલાખોરોએ ગોળી મારીને હત્યા કરી હતી.

ભંગાર ભેગો કરતો હતો મુખ્ય શૂટર
ગૌતમે એવો પણ દાવો કર્યો હતો કે તેને બાબા સિદ્દીકી અથવા જીશાન સિદ્દીકીને મારવાનું કહેવામાં આવ્યું હતું અને તેના બદલામાં 15 લાખ રૂપિયાનું આપવાનું વચન આપ્યું હતું. તેણે પોલીસને જણાવ્યું છે કે તે પુણેમાં ભંગાર ભેગો કરતો હતો અને સામાન સહ આરોપી હરીશ કુમાર કશ્યપને વેચતો હતો. તેણે પોલીસને જણાવ્યું કે ભંગારની દુકાન ચલાવતા કશ્યપે તેના રહેવાની વ્યવસ્થા કરી હતી અને તે દરમિયાન તેની પ્રવીણ લોંકર અને તેના ભાઈ શુભમ લોંકર સાથે પરિચય થયો હતો.

10 થી 15 લાખમાં સોદો ફાઇનલ થયો હતો
ગૌતમે કબૂલાતના નિવેદનમાં કહ્યું, “એક દિવસ શુભમ લોંકરે શૂટરને કહ્યું કે તે અને તેનો ભાઈ બિશ્નોઈ ગેંગ માટે કામ કરે છે. જૂન 2024માં શુભમ લોંકરે (શુબ્બુ) મને અને ધરમરાજ કશ્યપ (સહ-શૂટર)ને કહ્યું કે જો અમે તેમની સૂચના મુજબ કામ કરીએ તો અમને 10 થી 15 લાખ રૂપિયા આપવામાં આવી શકે છે. જ્યારે મેં ટાસ્ક વિશે પૂછ્યું, ત્યારે શુભમે અમને કહ્યું કે અમારે બાબા સિદ્દીકી અથવા તેના પુત્ર જીશાન સિદ્દીકીને મારવાની છે. પરંતુ તેણે વધુ માહિતી આપી ન હતી.