મધ્યપ્રદેશના દમોહમાં કાર કેનાલમાં ખાબકતા સાતના મોત

ભોપાલઃ મધ્યપ્રદેશના દમોહ જિલ્લાના નોહટા પોલીસ સ્ટેશન વિસ્તારમાં એક દુ:ખદ માર્ગ અકસ્માત થયો છે. આ અકસ્માતમાં સાત લોકોના મોત થયા હતા. આ અકસ્માત બાનવાર રોડ પર સિમરી ગામ પાસે થયો હતો. માહિતી મળતા જ પોલીસ અને વહીવટીતંત્ર ઘટનાસ્થળે પહોંચી ગયું અને ઘાયલોને દમોહ જિલ્લા હોસ્પિટલમાં મોકલવામાં આવ્યા હતા.

મળતી માહિતી મુજબ, આ અકસ્માત દમોહ જિલ્લાના નોહતા પોલીસ સ્ટેશન હેઠળ બનવાર રોડ પર સિમરી નજીક થયો હતો. મહાદેવ ઘાટ પુલ પર એક બોલેરો બેકાબૂ થઈ ગઈ અને નદીમાં પડી ગઈ હતી. આ અકસ્માતમાં સાત લોકોના મોત થયા હતા. ઘટનાની માહિતી મળતા જ પોલીસ પ્રશાસન ઘટનાસ્થળે પહોંચી ગયું. બધા ઘાયલોને દમોહની જિલ્લા હોસ્પિટલમાં મોકલવામાં આવ્યા છે. પોલીસે અકસ્માતમાં મૃત્યુ પામેલા લોકોની ઓળખ મેળવવા માટે કવાયત શરૂ કરી છે.