મણિપુરમાં સુરક્ષા દળોએ મેલબુલમાંથી 40 કરોડનું ડ્રગ્સ ઝડપ્યું

નવી દિલ્હીઃ મણિપુરમાં ડ્રગ્સની દાણચોરી સામે આસામ રાઇફલ્સે મોટી સફળતા મેળવી છે. આસામ રાઇફલ્સે એક કિલોગ્રામ હેરોઇન અને નવ કિલોગ્રામથી વધુ મેથામ્ફેટામાઇન ગોળીઓનો મોટો જથ્થો જપ્ત કર્યો છે. જેની અંદાજિત આંતરરાષ્ટ્રીય બજાર કિંમત આશરે 40.05 કરોડ રૂપિયા છે.

મળતી માહિતી મુજબ, આસામ રાઇફલ્સે ચોક્કસ ગુપ્ત માહિતીના આધારે મિઝોરમના ઝોખાવથર વિસ્તારના મેલબુકમાં સર્ચ ઓપરેશન હાથ ધર્યું હતું. આ ઓપરેશન દરમિયાન, આ વિસ્તારમાં સઘન શોધખોળ હાથ ધરવામાં આવી હતી, જેના પરિણામે મોટી માત્રામાં ડ્રગ્સ મળી આવ્યું હતું. જપ્ત કરાયેલા તમામ ડ્રગ્સને આગળની કાર્યવાહી માટે નાર્કોટિક્સ કંટ્રોલ બ્યુરો (NCB) ને સોંપવામાં આવ્યા છે. આ કાર્યવાહી આસામ રાઇફલ્સ દ્વારા ડ્રગ્સની દાણચોરી સામે સતત કાર્યવાહીનો એક ભાગ છે, જે ઉત્તરપૂર્વ ક્ષેત્રમાં કાયદો અને વ્યવસ્થા અને સુરક્ષા જાળવવામાં મદદ કરી રહી છે.