યુનિફોર્મ સિવિલ કોડ કાયદાના વિરુદ્ધમાં ઉત્તરાખંડ હાઈકોર્ટમાં અરજી, 1લી એપ્રિલે થશે સુનાવણી

નવી દિલ્હીઃ ઓલ ઈન્ડિયા મુસ્લિમ પર્સનલ લો બોર્ડ (AIMPLB) એ ઉત્તરાખંડ હાઈકોર્ટમાં યુનિફોર્મ સિવિલ કોડ (UCC) કાયદાને પડકારવા માટે એક મહત્વપૂર્ણ પગલું ભર્યું છે. AIMPLB એ ઉત્તરાખંડ હાઈકોર્ટમાં UCC કાયદા વિરુદ્ધ અરજી દાખલ કરી છે.

AIMPLB ના પ્રવક્તા ડૉ. SQR ઇલ્યાસે જણાવ્યું હતું કે બોર્ડે એક અરજી દાખલ કરી છે જેમાં દલીલ કરવામાં આવી છે કે UCC કાયદો બંધારણની વિવિધ કલમોનું ઉલ્લંઘન કરે છે અને મુસ્લિમ પર્સનલ લોની વિરુદ્ધ જાય છે, જે 1937 ના શરિયા એપ્લિકેશન એક્ટ અને ભારતીય બંધારણ હેઠળ સુરક્ષિત છે અને આ અરજીને ઉત્તરાખંડ હાઇકોર્ટ દ્વારા સ્વીકારવામાં આવી છે અને આગામી સુનાવણી 1 એપ્રિલ, 2025 ના રોજ નક્કી કરવામાં આવી છે.

યુસીસી બંધારણના વિવિધ અનુચ્છેદોનું ઉલ્લંઘન કરે છે. આ મુસ્લિમ પર્સનલ લોની વિરુદ્ધ છે, જે 1937ના શરિયત એપ્લિકેશન એક્ટ અને ભારતીય બંધારણ દ્વારા સુરક્ષિત છે. યુસીસી ધાર્મિક સ્વતંત્રતા અને મૂળભૂત અધિકારોનું ઉલ્લંઘન કરી શકે છે.

આ અરજી ઉત્તરાખંડ હાઈકોર્ટે સ્વીકારી લીધી છે. આગામી સુનાવણી ૧ એપ્રિલ, ૨૦૨૫ ના રોજ થશે. ઉત્તરાખંડ સરકારને પ્રતિ-સોગંદનામું દાખલ કરવાની મંજૂરી આપવામાં આવી છે. અરજી પર રાજ્ય અને કેન્દ્ર સરકાર વતી સોલિસિટર જનરલ હાજર થયા. તમને જણાવી દઈએ કે 10 લોકોએ અરજી દાખલ કરી હતી, જેમાંથી ઘણા AIMPLB સાથે સંકળાયેલા છે.

રઝિયા બેગ, અબ્દુલ બાસિત, ખુર્શીદ અહેમદ, તૌફિક આલમ, મોહમ્મદ તાહિર, નૂર કરમ ખાન, અબ્દુલ રઉફ, યાકુબ સિદ્દીકી, લતાફત હુસૈન, અખ્તર હુસૈન. વરિષ્ઠ વકીલ એમ.આર. શમશાદે અરજીનું નેતૃત્વ કર્યું હતું. એડવોકેટ નબીલા જમીલે અરજીનો મુસદ્દો તૈયાર કર્યો હતો. આ અરજી પર 1 એપ્રિલ 2025 ના રોજ સુનાવણી થશે.