પીટ હેગસેથ અમેરિકાના નવા સંરક્ષણ સચિવ હશે

નવી દિલ્હીઃ યુનાઇટેડ સ્ટેટ્સના આગામી સંરક્ષણ સચિવ પ્રખ્યાત ફોક્સ ન્યૂઝ હોસ્ટ પીટ હેગસેથ હશે. પીટ હેગસેથનું ઇરાક અને અફઘાનિસ્તાન યુદ્ધનું વિશ્લેષણ સમાચારોમાં રહ્યું છે. રાષ્ટ્રપતિ તરીકે ચૂંટાયેલા ડોનાલ્ડ ટ્રમ્પે મંગળવારે તેમને તેમના આગામી સંરક્ષણ સચિવ તરીકે પસંદ કર્યા છે. પીટ પેન્ટાગોન, અમેરિકાના મિલિટરી હેડક્વાર્ટર અને 1.3 મિલિયન સૈનિકોનું નેતૃત્વ કરશે.

ધ ન્યૂ યોર્ક ટાઈમ્સે અહેવાલ આપ્યો હતો કે, હેગસેથની પસંદગી પરંપરાગત સંરક્ષણ સચિવના ધોરણોની બહાર હતી. તેઓ તેમના પ્રથમ કાર્યકાળ દરમિયાન ટ્રમ્પના સમર્પિત સમર્થક રહ્યા છે. પીટ હેગસેથે ઉત્તર કોરિયાના નેતા કિમ જોંગ-ઉન સાથેની તેમની વાટાઘાટોમાં વિદેશમાંથી યુએસ સૈનિકોને પાછી ખેંચવાના પ્રયાસના ટ્રમ્પના "અમેરિકા ફર્સ્ટ" એજન્ડાને અપનાવ્યો હતો.

• પીટ કઠિન, સ્માર્ટ અને અમેરિકા ફર્સ્ટમાં સાચા વિશ્વાસી : ટ્રમ્પ

ડોનાલ્ડ ટ્રમ્પે, આગામી સંરક્ષણ સચિવ તરીકે હેગસેથના નામની જાહેરાત કરતાં, તેમના લડાઇ અનુભવ અને યુએસ સૈન્યના સમર્થનની પ્રશંસા કરી. ટ્રમ્પે કહ્યું કે પીટ કઠિન, સ્માર્ટ અને અમેરિકા ફર્સ્ટમાં સાચો વિશ્વાસ ધરાવે છે. તેમણે કહ્યું કે, પીટના નેતૃત્વમાં અમેરિકન સૈન્ય ફરીથી મહાન બનશે.

• હેસ્કેથ 2014માં ફોક્સ ન્યૂઝ નેટવર્કમાં જોડાયા હતા

હેસ્કેથ 2014 માં ફોક્સ ન્યૂઝ નેટવર્કમાં જોડાયા હતા અને વર્ષોથી ફોક્સના નવા વર્ષના કવરેજનું યજમાન છે. હેગસેથ, મિનેસોટાના વતની પ્રિન્સટન યુનિવર્સિટીના સ્નાતક છે. રૂઢિચુસ્ત મેગેઝિન ધ પ્રિન્સટન ટોરીના પ્રકાશક છે.

• ટ્રમ્પે જૂનમાં પ્રકાશિત હેગસેથના પુસ્તકની પ્રશંસા કરી હતી

પીટે હાર્વર્ડ કેનેડી સ્કૂલમાંથી જાહેર નીતિમાં માસ્ટર ડિગ્રી મેળવી છે. જૂનમાં પ્રકાશિત હેગસેથનું પુસ્તક 'ધ વોર ઓન વોરિયર્સઃ બિહાઇન્ડ ધ બેટ્રીયલ ઓફ ધ મેન હુ કીપ અસ ફ્રી' બેસ્ટ સેલર રહ્યું છે. પોતાના નિવેદનમાં ટ્રમ્પે આ પુસ્તકની પ્રશંસા કરી છે.