UPI દ્વારા એક દિવસમાં રૂ.10 લાખ સુધીની ચુકવણી કરી શકાશે

નવી દિલ્હીઃ હવે આજથી, UPI દ્વારા એક દિવસમાં ₹10 લાખ સુધીની ચુકવણી કરી શકાશે. નેશનલ પેમેન્ટ્સ કોર્પોરેશન ઑફ ઈન્ડિયા (NPCI) દ્વારા આ નિર્ણય લેવામાં આવ્યો છે, જેનાથી ડિજિટલ ટ્રાન્ઝેક્શનને વધુ વેગ મળશે. આ વધારો ખાસ કરીને પેમેન્ટ ટુ મર્ચન્ટ કેટેગરીમાં કરવામાં આવ્યો છે. આ સુવિધા વીમા રોકાણ, ક્રેડિટ કાર્ડની ચુકવણી અને ટેક્સ પેમેન્ટ જેવી સેવાઓ માટે ઘણી સરળતા લાવશે.

• મુખ્ય ફેરફારો:

વીમા અને ક્રેડિટ કાર્ડ બિલ: UPI દ્વારા હવે ક્રેડિટ કાર્ડના બિલની ચુકવણી માટે દૈનિક મર્યાદા ₹5 લાખ સુધીની રહેશે.

જ્વેલરીની ખરીદી: જ્વેલરીની ખરીદી માટેની UPI મર્યાદા એક દિવસમાં ₹6 લાખ સુધીની છે.

અન્ય સેવાઓ: આ સુવિધામાં અર્જન્ટ મની ડિપોઝિટ અને ટેક્સ પેમેન્ટનો પણ સમાવેશ થાય છે.

ટ્રાવેલ સેક્ટર: ટ્રાવેલ સેક્ટરમાં પણ UPI પેમેન્ટની મર્યાદા વધારવામાં આવી છે.

આ નિર્ણયથી મોટા નાણાકીય વ્યવહારો માટે UPIનો ઉપયોગ વધશે, અને ખાસ કરીને મોટા ટ્રાન્ઝેક્શન કરતા યુઝર્સને વધુ સગવડ મળશે.