પાકિસ્તાન ટીમે જર્સીનો રંગ બદલ્યો! હવે પાકિસ્તાનના ખેલાડીઓ ગુલાબી રંગમાં રમશે

દક્ષિણ આફ્રિકા સામેની T20 શ્રેણી પહેલા પાકિસ્તાન ક્રિકેટ ટીમે એક મોટો નિર્ણય લીધો છે. પાકિસ્તાન ક્રિકેટ બોર્ડ (PCB) એ ખેલાડીઓની જર્સીનો રંગ લીલા રંગથી બદલીને ગુલાબી રંગનો કરી દીધો છે. આ નિર્ણય દક્ષિણ આફ્રિકા સામેની T20 શ્રેણી શરૂ થાય તે પહેલાં લેવામાં આવ્યો હતો. જર્સીના રંગમાં ફેરફાર અંગે, પાકિસ્તાન ક્રિકેટ બોર્ડે જણાવ્યું હતું કે "ગુલાબી રંગમાં ફેરફાર પાછળ એક કારણ છે."

પાકિસ્તાન ક્રિકેટ ટીમ ગુલાબી જર્સી પહેરશે
આ નિર્ણય પહેલા, પાકિસ્તાન ક્રિકેટ બોર્ડે એક મીડિયા રિલીઝ દ્વારા કહ્યું હતું કે આ ગુલાબી જર્સી કેમ્પન 'પિંક રિબન પાકિસ્તાન' મુવમેન્ટ માટે છે. તેનો હેતુ સ્તન કેન્સર વિશે જાગૃતિ લાવવાનો છે. સલમાન અલી આગાના કેપ્ટનશીપ હેઠળ, પાકિસ્તાન ટીમ ગુલાબી જર્સી પહેરશે.

દક્ષિણ આફ્રિકાની ટીમના ખેલાડીઓ અને મેચ અધિકારીઓ પણ ગુલાબી રિબન પહેરવાના છે, જેના દ્વારા તેઓ લોકોમાં સ્તન કેન્સર વિશે જાગૃતિ લાવવાનું પણ કામ કરશે. દક્ષિણ આફ્રિકા અને પાકિસ્તાન વચ્ચે રાવલપિંડીમાં રમાનારી પ્રથમ T20 મેચ દરમિયાન, કોમેન્ટેટર્સ ગુલાબી રિબન પહેરેલા જોવા મળશે. મેચમાં વપરાતા સ્ટમ્પને પણ ગુલાબી રંગથી રંગવામાં આવશે.