નાણાકીય વર્ષ 2024-25માં GeM મારફતે 10 લાખથી વધારે સંસાધનોની ભરતી કરાઈ

નવી દિલ્હીઃ ડિજિટલ પ્રોક્યોરમેન્ટ પ્લેટફોર્મ, ગવર્મેન્ટ ઇ-માર્કેટપ્લેસ (GeM)એ ચાલુ નાણાકીય વર્ષ (2024-25)માં સરકારી સંસ્થાઓ દ્વારા 10 લાખથી વધારે માનવશક્તિ સંસાધનોની ભરતીની સુવિધા આપીને નોંધપાત્ર સીમાચિહ્ન હાંસલ કર્યું છે. આ સિમાચિહ્ન પારદર્શકતા, અનુપાલન અને કાર્યદક્ષતા મારફતે જાહેર ખરીદીમાં પરિવર્તન લાવવાની GeMની કટિબદ્ધતાને રેખાંકિત કરે છે.

GeMનું મેનપાવર આઉટસોર્સિંગ સરકારી ખરીદદારોને આઉટસોર્સ કરેલા સંસાધનોને ભાડે રાખવા માટે સીમલેસ સોલ્યુશન પ્રદાન કરે છે. આ પ્લેટફોર્મ પર 33,000થી વધુ સર્વિસ પ્રોવાઇડર્સ ખરીદદારોને લઘુતમ વેતન અને નિશ્ચિત મહેનતાણા સહિત વિવિધ માપદંડોના આધારે માનવશક્તિને જોડવા સક્ષમ બનાવે છે. આ પોર્ટલ મારફતે સુરક્ષા કર્મચારીઓ, બાગાયતી સ્ટાફ, મલ્ટિ-ટાસ્કિંગ સ્ટાફ, ડેટા એન્ટ્રી ઓપરેટર્સ અને ફેસિલિટી મેનેજમેન્ટ પ્રોફેશનલ્સ જેવી વિવિધ કુશળ અને અકુશળ ભૂમિકાઓની ભરતી કરી શકાય છે.

આ સિદ્ધિ પર વાત કરતાં GeMના સીઇઓ અજય ભાદુએ જણાવ્યું હતું કે, "GeMએ ડિજિટલ ક્ષમતાઓનો ઉપયોગ કર્યો છે અને વહીવટના વિવિધ સ્તરે સરકારી ખરીદદારો દ્વારા જરૂરી તમામ શક્ય સેવાઓની ખરીદી માટે વન-સ્ટોપ-શોપ તરીકે ઉભરી આવ્યું છે. અમારી માનવશક્તિ આઉટસોર્સિંગ સેવા સરકારી સંસ્થાઓ માટે ભરતીની પ્રક્રિયાને સરળ બનાવે છે એટલું જ નહીં, પરંતુ અમારા વ્યાપક સેવા સ્તરના કરાર દ્વારા કડક શ્રમ પાલનની ખાતરી પણ આપે છે."

• GeMની મેનપાવર આઉટસોર્સિંગ સર્વિસની મુખ્ય વિશેષતાઓમાં સામેલ છેઃ

કૌશલ્ય, પ્રોફાઇલ્સ, શૈક્ષણિક લાયકાતો અને અનુભવના આધારે સંસાધનોની પસંદગી કરવાની લવચિકતા
સરકારની વિશિષ્ટ જરૂરિયાતોને પહોંચી વળવા માટેની વિશિષ્ટ ભૂમિકા ધરાવતી શ્રેણીઓ
લઘુતમ વેતન અને નિશ્ચિત મહેનતાણાના વિકલ્પો સહિત પારદર્શક ભાવોના મોડેલો
વ્યાપક સેવા સ્તર સમજૂતી (એસએલએ) માળખું કાનૂની અનુપાલનની ખાતરી આપે છે અને તમામ પક્ષો માટે સ્પષ્ટ જવાબદારીઓ સુનિશ્ચિત કરે છે
જીઈએમ દ્વારા શ્રમ કાયદા અને નિયમનોનું પાલન એ સુનિશ્ચિત કરે છે કે તમામ વ્યવહારો કાયદાકીય જરૂરિયાતોને પરિપૂર્ણ કરે છે, જે સરકારી ખરીદદારોને આઉટસોર્સ સંસાધનો સાથે સાંકળવાની સાથે માનસિક શાંતિ પ્રદાન કરે છે.

નાણાકીય વર્ષ 2024-25માં GeM મારફતે ભાડે લેવામાં આવેલા 10 લાખ માનવશક્તિ સંસાધનોનું સીમાચિહ્નરૂપ સરકારી ક્ષેત્રોમાં પ્લેટફોર્મનો વધતો વિશ્વાસ અને સ્વીકાર દર્શાવે છે. વર્ષ 2016માં સ્થપાયેલી GeM સરકારી ખરીદદારોને ખર્ચ-અસરકારક દરે જાહેર ખરીદી હાથ ધરવા માટે એન્ડ-ટુ-એન્ડ ડિજિટલ પ્લેટફોર્મ પ્રદાન કરે છે. નાણાકીય વર્ષ 2019-20માં, આ પ્લેટફોર્મનું વિસ્તરણ એક અલગ સેગમેન્ટ તરીકે સેવાઓને સામેલ કરવા માટે કરવામાં આવ્યું હતું, જે શરૂઆતમાં મેનપાવર હાયરિંગ, કેબ હાયરિંગ, સિક્યુરિટી સેવાઓ અને સફાઇ અને સેનિટેશન સેવાઓ જેવી મૂળભૂત સેવાઓ પ્રદાન કરતું હતું. છેલ્લાં પાંચ વર્ષમાં, GeMએ તેના પોર્ટફોલિયોને 330 થી વધુ સેવાઓમાં વિસ્તૃત કર્યો છે, જેમાં ડ્રોન સેવાઓ, એઆર / વીઆર સેવાઓ, ક્લાઉડ સેવાઓ અને સાયબર સુરક્ષા સેવાઓ જેવી જટિલ ઓફરનો સમાવેશ થાય છે.