આ પાંચ ભારતીય પૌષ્ટીક આહારની મદદથી ઝડપથી ઘટાડી શકાશે વજન

કોરોના મહામારી પછી લોકો પોતાના આરોગ્યને લઈને વધારે સાબદા બન્યા છે એટલું જ નહીં શરીર વધારે ના વધે તે માટે યોગ અને કસરત કરવાની સાથે ભોજનને લઈને વિશેષ ધ્યાન રાખે છે. આવી સ્થિતિમાં એ જરૂરી છે કે, સવારનો નાસ્તો પૌષ્ટિક હોય અને વજન ઘટાડવામાં મદદ કરે. ઉપરાંત, તેનું સેવન કરવાથી તમે દિવસભર ઉર્જાવાન રહેશો.

મગ દલિયા ચિલા : સવારના નાસ્તામાં મગ-દલિયાના ચીલા પણ ખાઈ શકો છો. તે સ્વાદમાં એકદમ અદ્ભુત છે. તેમાં કેલરી પણ ઓછી જોવા મળે છે. તેમાં ફાઈબર પણ ભરપૂર માત્રામાં હોય છે. આવી સ્થિતિમાં, તે ઓછી કેલરીવાળો ખોરાક હોવાથી, તેના સેવનથી તમારું વજન ઘટાડી શકાય છે.

ઢોંસાઃ ચોખા અને મસૂરની દાળમાંથી બનાવેલા ઢોંસા બનાવી શકાય છે અને તેને નાસ્તામાં ખાઈ શકાય છે. તે ઓછી કેલરી ધરાવે છે. સ્વાદને વધારવા માટે, તેને નારિયેળ, ટામેટા અથવા ફુદીના જેવી વિવિધ પ્રકારની ચટણી સાથે ખાઈ શકાય છે.

ઓટ્સઃ નાસ્તામાં મસાલા ઓટ્સનું સેવન એક સારો વિકલ્પ છે. તે ફાઈબર તેમજ ઘણા જરૂરી પોષક તત્વોથી ભરપૂર છે. તમને તે સ્વાદમાં પણ ઉત્તમ લાગશે. મસાલા ઓટ્સનું સેવન તમને વજન ઘટાડવામાં મદદ કરી શકે છે.

ઇડલીઃ પરંપરાગત ઈડલીને બદલે, તમે નાસ્તામાં પોષણયુક્ત રાગી ઈડલી ખાઈ શકો છો. રાગી એ ગ્લુટેન ફ્રી અનાજ છે. તેમાં ભરપૂર ફાઈબર જોવા મળે છે. તમને સવારે નારિયેળની ચટણી સાથે તેનું સેવન કરવું ગમશે. ફાઈબરથી ભરપૂર હોવાથી તેનું સેવન તમને વજન ઘટાડવામાં પણ મદદ કરશે.

ઉત્પમઃ તમે નાસ્તામાં આથેલા ચોખા અને મસૂરની દાળમાંથી બનાવેલ ઉત્પમ પણ લઇ શકો છો. તે એક પ્રકારની સ્વાદિષ્ટ પેનકેક છે, જેની ઉપર ડુંગળી, ટામેટા, કેપ્સિકમ અને છીણેલું ગાજર જેવા શાકભાજી ઉમેરવામાં આવે છે. આ પૌષ્ટિક નાસ્તામાં કેલરી ઓછી હોય છે અને ફાઈબર, વિટામિન્સ અને મિનરલ્સ ભરપૂર હોય છે. તેનું સેવન તમને વજન ઘટાડવામાં પણ મદદ કરી શકે છે.