કોચી-દિલ્હી ઇન્ડિગો ફ્લાઇટમાં બોમ્બની ધમકી મળતા નાગપુરમાં ઇમરજન્સી લેન્ડિંગ

કોચીઃ મંગળવારે મસ્કતથી દિલ્હી જઈ રહેલી ઇન્ડિગો ફ્લાઇટને બોમ્બની ધમકી મળ્યા બાદ નાગપુર એરપોર્ટ પર નિરીક્ષણ માટે ઇમરજન્સી લેન્ડિંગ કરાવવામાં આવી હતી. તેમ કોચીન ઇન્ટરનેશનલ એરપોર્ટ લિમિટેડ (CIAL) એ જણાવ્યું હતું.

CIAL એ જણાવ્યું કે ઇન્ડિગો ફ્લાઇટ વિશેના સત્તાવાર ઇમેઇલ આઈડી પર ધમકી મળી હતી. ફ્લાઇટ સવારે 9.31 વાગ્યે 157 મુસાફરો અને છ ક્રૂ સભ્યો સાથે દિલ્હી માટે રવાના થઈ હતી. CIAL એ જણાવ્યું કે આ પછી, 'બોમ્બ થ્રેટ એસેસમેન્ટ કમિટી' (BTAC) બોલાવવામાં આવી હતી અને ધમકીને "વિશિષ્ટ" જાહેર કરવામાં આવી હતી.

CIAL ના જણાવ્યા મુજબ, "આ માહિતી તાત્કાલિક સંબંધિત અધિકારીઓને આપવામાં આવી હતી, જેના પગલે વિમાનનું નાગપુર એરપોર્ટ પર ઇમરજન્સી લેન્ડિંગ કરવામાં આવ્યું હતું અને હાલમાં તેનું નિરીક્ષણ કરવામાં આવ્યું હતું."