ભારતીય મહિલા દોડવીરોએ એશિયન ચેમ્પિયનશિપમાં રિલેમાં રજત પદક જીતી રચ્યો ઈચિહાસ

ભારતીય મહિલા દોડવીરોએ એશિયન ચેમ્પિયનશિપમાં રિલેમાં રજત પદક જીતી, 2025 વર્લ્ડ એથ્લેટિક્સ ચેમ્પિયનશિપ માટે ક્વાલિફાય કર્યું છે. દક્ષિણ કોરિયાના ગુમીમાં યોજાયેલી 2025 એશિયન એથ્લેટિક્સ ચેમ્પિયનશિપમાં ભારતની મહિલા 4x100 મીટર રિલે ટીમે શાનદાર પ્રદર્શન કરી, 43.86 સેકન્ડના સમય સાથે સિલ્વર મેડલ જીત્યો. ટીમમાં શ્રાબણી નંદા, અભિનયા રાજરાજન, એસ.એસ. સ્નેહા અને નિત્યા ગાંધીનો સમાવેશ થાય છે. ચીને 43.28 સેકન્ડમાં દોડ પૂર્ણ કરીને ગોલ્ડ મેડલ જીત્યો, જ્યારે થાઇલેન્ડે 44.26 સેકન્ડ સાથે બ્રોન્ઝ મેડલ જીત્યો.

આ સિદ્ધિ સાથે ભારતને માત્ર એશિયન સ્તરે મેડલ જ નહીં, પરંતુ આ ટીમે આવતા વર્ષે ટોક્યોમાં યોજાનારી વર્લ્ડ એથ્લેટિક્સ ચેમ્પિયનશિપ માટે પણ પોતાનું સ્થાન નિશ્ચિત કરી લીધું છે. HRDS ઇન્ડિયાના સ્થાપક સચિવ અજી કૃષ્ણને જણાવ્યું હતું કે, "આ સિલ્વર મેડલ ફક્ત એક વ્યક્તિગત સફળતા નથી, પરંતુ પ્રતિભા, શિસ્ત અને તકમાં વિશ્વાસ રાખતી સિસ્ટમની સફળતા છે. અમને સ્નેહા અને સમગ્ર ભારતીય રિલે ટીમ પર ગર્વ છે. ગુમીમાં તેમનું પ્રદર્શન દર્શાવે છે કે ભારતીય એથ્લેટિક્સ યોગ્ય દિશામાં આગળ વધી રહ્યું છે."

એકેડેમીની લાંબા ગાળાની યોજના 2036 ઓલિમ્પિકમાં ભારત માટે મેડલ જીતવાની છે અને તે પાયાના સ્તરે મજબૂત તાલીમ પ્રણાલી દ્વારા યુવાનોને સશક્ત બનાવી રહી છે. વર્લ્ડ ચેમ્પિયનશિપમાં સ્નેહાની લાયકાત આ દિશામાં એક મહત્વપૂર્ણ પગલું છે. જેમ જેમ ભારતીય ટીમ ટોક્યો વર્લ્ડ ચેમ્પિયનશિપ માટે તૈયારી કરી રહી છે, ગુમીમાં આ સફળતા દેશભરના ઉભરતા ખેલાડીઓને પ્રેરણા આપતી રહેશે.

HRDS ઇન્ડિયા માટે, આ મેડલ તેના વ્યાપક મિશનને પણ મજબૂત બનાવે છે - જ્યાં દરેક પ્રતિભાશાળી યુવાને યોગ્ય તાલીમ, સંસાધનો અને પ્લેટફોર્મ પૂરું પાડીને વૈશ્વિક સ્તરે સ્પર્ધા કરવાની તક આપવામાં આવે છે.