પ્રથમ ક્રોસ-બોર્ડર રેલ્વે લિંક્નાવિકાસ માટે કરાર પર ભારત-ભૂતાને હસ્તાક્ષર કર્યા

નવી દિલ્હીઃ વિદેશ સચિવ વિક્રમ મિશ્રીએ નવી દિલ્હીમાં તેમના ભૂટાનના સમકક્ષ ઓમ પેમા ચોડેન સાથે પરામર્શ કર્યો હતો. આ બેઠક દરમિયાન, ભારત અને ભૂટાન વચ્ચે રેલ્વે લિંક્સની સ્થાપના માટે આંતર-સરકારી સમજૂતી કરાર પર હસ્તાક્ષર કરવામાં આવ્યા હતા. આ સમજૂતી કરારમાં કોકરાઝાર અને ગેલેફુ, અને બનારહાટ અને સમત્સેને જોડતી ક્રોસ-બોર્ડર રેલ લિંક્સના પ્રથમ સેટની સ્થાપનાની કલ્પના કરવામાં આવી છે.

આ પ્રોજેક્ટ્સ બંને દેશો વચ્ચે જોડાણ વધારવાના વ્યાપક પ્રયાસોનો એક ભાગ છે. આ પ્રોજેક્ટ આર્થિક અને લોકો-થી-લોકોના જોડાણોને મજબૂત બનાવશે. આ ઉપરાંત, તેમણે 1020 મેગાવોટ પુનાત્સંગચુ-2 હાઇડ્રોપાવર પ્રોજેક્ટના તમામ છ એકમોના સફળ કમિશનિંગનું સ્વાગત કર્યું, જે ઊર્જા ભાગીદારી પર ભારત-ભૂતાન સંયુક્ત વિઝનના અમલીકરણમાં એક મુખ્ય સીમાચિહ્નરૂપ છે.