મધ્યપ્રદેશમાં મની લોન્ડરિંગ મામલે ઈડીના અનેક સ્થળે દરોડા, કરોડોની પ્રોપર્ટી મળી

એન્ફોર્સમેન્ટ ડિરેક્ટોરેટ (ED) એ 29 જાન્યુઆરી, 2025 ના રોજ પ્રિવેન્શન ઓફ મની લોન્ડરિંગ એક્ટ (PMLA) 2002 હેઠળ મધ્ય પ્રદેશના ભોપાલ, સિહોર અને મોરેના જિલ્લામાં અનેક સ્થળોએ દરોડા પાડ્યા હતા. જયશ્રી ગાયત્રી ફૂડ પ્રોડક્ટ્સ પ્રાઈવેટ લિમિટેડને લગતી નાણાકીય અનિયમિતતાના કેસમાં આ કાર્યવાહી કરવામાં આવી હતી. સર્ચ દરમિયાન, EDએ ઘણા મહત્વપૂર્ણ દસ્તાવેજો, 25 લાખ રૂપિયા રોકડા, લક્ઝરી વાહનો (BMW અને ફોર્ચ્યુનર) અને કરોડો રૂપિયાની સ્થાવર મિલકતો સાથે સંબંધિત દસ્તાવેજો જપ્ત કર્યા છે.

EDની તપાસમાં સામે આવ્યું છે કે કંપનીના માલિક કિશન મોદી અને તેમના પરિવારના સભ્યોના નામે 66 કરોડ રૂપિયાથી વધુની સ્થાવર મિલકતો છે. આ ઉપરાંત કંપની પાસે મોટી માત્રામાં અઘોષિત સંપત્તિ હોવાની પણ શંકા વ્યક્ત કરવામાં આવી છે. જપ્ત કરાયેલી સંપત્તિમાં જમીન, મકાનો અને અન્ય વ્યવસાયિક સંપત્તિનો સમાવેશ થાય છે, જેની તપાસ કરવામાં આવી રહી છે.

6.26 કરોડની ફિક્સ્ડ ડિપોઝિટ ફ્રીઝ
તપાસ એજન્સીએ દરોડા દરમિયાન 6.26 કરોડની ફિક્સ્ડ ડિપોઝિટ (FD) પણ ફ્રીઝ કરી દીધી છે. એવું માનવામાં આવે છે કે આ પૈસા ગેરકાયદેસર રીતે કમાયા હતા અને તેને કંપનીના જુદા જુદા ખાતાઓમાં છુપાવવાનો પ્રયાસ કરવામાં આવ્યો હતો. આ મામલામાં, ઘણી કંપનીઓ દ્વારા ફંડ ટ્રાન્સફર અંગે શંકા વ્યક્ત કરવામાં આવી રહી છે.

EDની તપાસ ચાલુ, વધુ મોટા ખુલાસા થઈ શકે છે
એન્ફોર્સમેન્ટ ડિરેક્ટોરેટ (ED)ની ટીમ જપ્ત કરાયેલા દસ્તાવેજો અને મિલકતોની સંપૂર્ણ તપાસ કરી રહી છે. એજન્સી એ જાણવાનો પ્રયાસ કરી રહી છે કે ગેરકાયદેસર ફંડ ટ્રાન્સફર કેવી રીતે થયું, તેમાં કોણ કોણ સામેલ હતું અને પૈસાનો ઉપયોગ ક્યાં થયો. કહેવામાં આવી રહ્યું છે કે આ મામલે મોટા ખુલાસા થઈ શકે છે. ઇડી ટૂંક સમયમાં આ કેસમાં તપાસ અને ધરપકડની કાર્યવાહી કરી શકે છે.