ભારતમાં દર વર્ષે પ્રાણીઓના કરડવાથી થતા હડકવાથી 5700 વ્યક્તિઓના થાય છે મોત

પ્રાણીઓના કરડવાથી હડકવા જેવા ચેપ લાગી શકે છે તે અત્યંત ખતરનાક છે. 'ધ લેન્સેટ ઇન્ફેક્શિયસ ડિસીઝ જર્નલ' માં પ્રકાશિત થયેલા એક અભ્યાસ મુજબ, દરેક પ્રાણીઓ કરડવાની 4 માંથી 3 ઘટના શ્વાન કરડવાની હોય છે. દેશમાં દર વર્ષે હડકવાથી 5700 જેટલા વ્યક્તિઓના મોત થાય છે. ઇન્ડિયન કાઉન્સિલ ઓફ મેડિકલ રિસર્ચ (ICMR) એ માર્ચ 2022 થી ઓગસ્ટ 2023 દરમિયાન દેશભરના 15 રાજ્યોના 60 જિલ્લાઓમાં એક સર્વે હાથ ધર્યો હતો. આ સમયગાળા દરમિયાન, 78,800 થી વધુ પરિવારોના 3,37,808 લોકોને પ્રાણીઓના કરડવાથી, હડકવા વિરોધી રસી અને પ્રાણીઓના કરડવાથી થતા મૃત્યુ વિશે પૂછવામાં આવ્યું હતું.

ચેન્નાઈના ICMR-નેશનલ ઇન્સ્ટિટ્યૂટ ઓફ એપિડેમિઓલોજીના સંશોધકો સહિત અનેક સંશોધકોએ શોધી કાઢ્યું કે પ્રાણીઓના કરડવાના દરેક 4 માંથી 3 બનાવો માટે કૂતરા જવાબદાર છે. સર્વેક્ષણમાં સામેલ 2,000 થી વધુ લોકોએ અગાઉ પ્રાણીઓના કરડવાની જાણ કરી હતી, જેમાંથી 76.8 ટકા (1,576) લોકોને કૂતરાઓ કરડ્યા હતા. વધુમાં, સંશોધનના લેખકોએ જણાવ્યું હતું કે દર 1,000 માંથી 6 લોકોને પ્રાણી કરડ્યું છે, "જેનો અર્થ એ થાય કે રાષ્ટ્રીય સ્તરે, 9.1 મિલિયન લોકોને પ્રાણીઓ કરડ્યા છે." અંદાજ અનુસાર ભારતમાં દર વર્ષે 5,726 લોકો હડકવાથી મૃત્યુ પામે છે."