ડ્રાઈવિંગ લાયન્સની મુદત પૂર્ણ થયા બાદ રિન્યુ ન કરવામાં આવે તો વાહન ચાલકને થાય છે મોટો દંડ

વાહન ચલાવવા માટે ડ્રાઇવિંગ લાઇસન્સ હોવું જરૂરી છે. ડ્રાઇવિંગ લાઇસન્સ વિના તમે 50 સીસીથી ઉપરનું વાહન ચલાવી શકતા નથી. જો તમે લાયસન્સ વિના વાહન ચલાવતા પકડાશો, તો તમારે ભારે દંડ ભરવો પડશે. સામાન્ય રીતે ડ્રાઇવિંગ લાયસન્સની માન્યતા 20 વર્ષ સુધીની હોય છે. આ સમયગાળો પૂર્ણ થયા પછી, તમારે તમારું લાઇસન્સ ફરીથી રિન્યુ કરાવવું પડશે, તો જ તમને વાહન ચલાવવા માટે યોગ્ય ગણવામાં આવશે. ડ્રાઇવિંગ લાયસન્સની મુદત પૂરી થાય ત્યારે RTO તરફથી સંદેશ મોકલવાની કોઈ સુવિધા નથી, જેના કારણે લોકો જાણી શકતા નથી કે તેમનું લાયસન્સની મુદત પૂરી થઈ ગઈ છે. આવી સ્થિતિમાં, જો ચેકિંગ દરમિયાન પકડાય તો ટ્રાફિક પોલીસ ભારે દંડ વસૂલ કરે છે. આ સમસ્યાથી લોકોને બચાવવા માટે, મોટર વાહન અધિનિયમ, 1988 હેઠળ ડ્રાઇવિંગ લાયસન્સની સમાપ્તિ પછી ગ્રેસ પીરિયડ આપવામાં આવ્યો છે. આનાથી લોકોને તેમના લાઇસન્સ રિન્યુ કરાવવા માટે થોડા દિવસની છૂટ મળે છે.

મોટર વાહન અધિનિયમ, 1988 મુજબ, ડ્રાઇવિંગ લાઇસન્સ જારી થયાની તારીખથી 20 વર્ષ માટે અથવા ધારક 40 વર્ષની ઉંમર પ્રાપ્ત કરે ત્યાં સુધી (જે વહેલું હોય તે) માન્ય રહે છે. 40 વર્ષની ઉંમર પછી, ડ્રાઇવિંગ લાઇસન્સ 10 વર્ષ માટે જારી કરવામાં આવે છે અને પછી દર 5 વર્ષે તેને રિન્યુ કરાવવું પડે છે. જો આમ ન કરવામાં આવે તો ડ્રાઇવિંગ લાઇસન્સ રદ થઈ જાય છે. ડ્રાઇવિંગ લાયસન્સની મુદત પૂરી થયાના 1 વર્ષની અંદર રિન્યુઅલ માટે ડ્રાઇવિંગ ટેસ્ટ આપવી પડે છે. આ પરીક્ષણ ખાતરી કરે છે કે અરજદાર સુરક્ષિત રીતે વાહન ચલાવી શકે છે કે નહીં.

ડ્રાઇવિંગ લાઇસન્સ સમાપ્ત થયા પછી પણ, તે 30 દિવસ સુધી માન્ય રહે છે. આ માન્યતાને ગ્રેસ પીરિયડ કહેવામાં આવે છે. દરમિયાન, ધારકે પોતાનું ડ્રાઇવિંગ લાઇસન્સ રિન્યુ કરવા માટે કોઈ ફી ચૂકવવાની જરૂર નથી. ૩૦ દિવસ પછી રિન્યુ કરાવવા પર દંડ છે. તમારા ડ્રાઇવિંગ લાઇસન્સ રિન્યુ કરવા માટે તમારે કેટલીક નિશ્ચિત ફી ચૂકવવી પડશે. આ ફી મોટર વાહન અધિનિયમ અને RTO નિયમો મુજબ છે, જે રાજ્યથી રાજ્યમાં બદલાય છે.

ઉદાહરણ તરીકે, જો તમે દિલ્હીમાં રહો છો, તો તમારે તમારા ડ્રાઇવિંગ લાઇસન્સ રિન્યુ કરવા માટે 400 રૂપિયા ફી ચૂકવવી પડશે. જો તમે ગ્રેસ પીરિયડ પૂરો થયા પછી અરજી કરો છો, તો 300 રૂપિયાનો વધારાનો દંડ ચૂકવવો પડશે. જોકે, જો સમાપ્તિ તારીખના એક વર્ષ પછી રિન્યુઅલ કરવામાં આવે છે, તો 1000 રૂપિયાનો દંડ ભરવો પડશે. મોટર વાહન અધિનિયમ 1988 ની કલમ 177 મુજબ, મુદત પૂરી થયેલા લાઇસન્સ સાથે વાહન ચલાવવું ગુનો ગણવામાં આવે છે.