GST કલેક્શન વધીને 2.37 લાખ કરોડના સર્વકાલીન ઉચ્ચ સ્તરે પહોંચ્યું

નવી દિલ્હીઃ ગયા મહિને GST કલેક્શન વધીને 2.37 લાખ કરોડ રૂપિયાના સર્વકાલીન ઉચ્ચ સ્તરે પહોંચ્યું. સરકારે ગુરુવારે પોતાના આંકડા જાહેર કર્યા. જીએસટી કલેક્શનનો દર 12.6 ટકા નોંધાયો હતો, જે 17 મહિનામાં સૌથી વધુ છે. સમાચાર અનુસાર, એપ્રિલ 2024માં GST કલેક્શન ₹2.10 લાખ કરોડ હતું. 1 જુલાઈ, 2017ના રોજ પરોક્ષ કર વ્યવસ્થા લાગુ થયા પછી આ બીજો સૌથી મોટો ગુડ્સ એન્ડ સર્વિસ ટેક્સ (GST) સંગ્રહ છે. માર્ચ 2025માં, આ જ સંગ્રહ ₹ 1.96 લાખ કરોડ હતો.

GSTની આવકમાં પણ ઝડપથી વધારો થયો

ડેટા અનુસાર, ઘરેલુ વ્યવહારોમાંથી GST આવક 10.7 ટકા વધીને લગભગ ₹1.9 લાખ કરોડ થઈ છે. આયાતી માલમાંથી આવક 20.8 ટકા વધીને ₹46,913 કરોડ થઈ. એપ્રિલમાં જારી કરાયેલા રિફંડની રકમ 48.3 ટકા વધીને ₹27,341 કરોડ થઈ ગઈ. રિફંડના સમાયોજન પછી, એપ્રિલમાં ચોખ્ખી GST વસૂલાત 9.1 ટકા વધીને રૂ. 2.09 લાખ કરોડથી વધુ થઈ ગઈ.

રિપોર્ટ અનુસાર, ડિસેમ્બરમાં GST કલેક્શન રૂ. 1.77 લાખ કરોડ રહ્યું હતું, જે વાર્ષિક ધોરણે 7.3% નો વધારો દર્શાવે છે. તહેવારોની મોસમ પછી વપરાશમાં ઘટાડો થવાને કારણે નવેમ્બરમાં નોંધાયેલા 8.5% વૃદ્ધિદર કરતાં આ નીચો હતો. બજેટમાં સરકારે GST આવકમાં 11% વૃદ્ધિનો અંદાજ લગાવ્યો હતો, જેમાં સેન્ટ્રલ GST અને વળતર સેસ સહિત રૂ. 11.78 લાખ કરોડની વસૂલાતનો અંદાજ હતો.