પૂર્વ પીએમ ચરણસિંહ ચૌધરીની પુણ્યતિથિ, ઉપરાષ્ટ્રપતિ સહિતના મહાનુભાવોએ પાઠવી શ્રદ્ધાંજલિ

નવી દિલ્હીઃ આજે ભારત રત્ન અને ભૂતપૂર્વ વડા પ્રધાન ચરણસિંહ ચૌધરીની પુણ્યતિથિ છે. ચૌધરી ચરણ સિંહની પુણ્યતિથિ નિમિત્તે, ઉપરાષ્ટ્રપતિ જગદીપ ધનખડે નવી દિલ્હીમાં કિસાન ઘાટની મુલાકાત લીધી અને તેમને શ્રદ્ધાંજલિ અર્પી. આ દરમિયાન તેમણે ચૌધરી ચરણસિંહને પણ યાદ કર્યા.

ઉપરાષ્ટ્રપતિ જગદીપ ધનખડે કહ્યું, "ખેડૂતો આપણા દેશની કરોડરજ્જુ છે. તેઓ આપણી સામાજિક અને આર્થિક વ્યવસ્થાનો મુખ્ય ભાગ છે. ચૌધરી ચરણસિંહની પુણ્યતિથિ આપણને આની યાદ અપાવે છે. તેમનું આખું જીવન ખેડૂતો અને ગ્રામીણ સમુદાયોના કલ્યાણ માટે સમર્પિત હતું.

1939માં, જ્યારે દેશ સ્વતંત્ર નહોતો, તે સમયે તેમણે ખેડૂતોને શાહુકારોથી મુક્ત કરવવામાં અને તેમની લોન માફ કરાવવામાં મહત્વપૂર્ણ ભૂમિકા ભજવી હતી." તેમણે કહ્યું, "ચૌધરી ચરણસિંહનું આખું જીવન ખેડૂતો અને ગામડાઓ માટે સમર્પિત હતું. તેમણે સ્વતંત્રતા પહેલાંના ભારતમાં પણ ખેડૂતો માટે કામ કર્યું. તેમણે એવા ખેડૂતોને જમીન માલિકીનો અધિકાર અપાવવામાં મહત્વપૂર્ણ ભૂમિકા ભજવી હતી જેઓ ખેતી કરતા હતા પરંતુ તેમના પર અધિકાર નહોતો."

ઉપરાષ્ટ્રપતિ જગદીપ ધનખડે વિકસિત ભારત વિશે વાત કરતા કહ્યું, "આજે એવી જરૂર છે કે જ્યારે આપણે વિકસિત ભારત વિશે વાત કરીએ છીએ, ત્યારે તેનો અર્થ એ ન હોવો જોઈએ કે આપણી અર્થવ્યવસ્થા કયા ક્રમે છે. વિકસિત ભારતને વ્યાખ્યાયિત કરવા અને તેને વાસ્તવિકતા બનાવવા માટે, દરેકની આવક 8 ગણી વધારવાની જરૂર છે. ખેડૂતોએ સ્વપ્નદ્રષ્ટા બનવાની જરૂર છે. આજે આપણા ખેડૂતો ફક્ત ઉત્પાદન સુધી મર્યાદિત છે, પરંતુ હું તેમને વિનંતી કરું છું કે આ સમય સૌથી મોટા વ્યવસાયમાં જોડાવાનો છે, જે કૃષિ અથવા પશુપાલન સાથે સંબંધિત છે."

આ ઉપરાંત, ઉપરાષ્ટ્રપતિના સત્તાવાર X હેન્ડલ પરથી કેટલીક તસવીરો શેર કરવામાં આવી છે. તેમણે X પર લખ્યું, "ઉપરાષ્ટ્રપતિ જગદીપ ધનખરે આજે નવી દિલ્હીના કિસાન ઘાટ ખાતે ભૂતપૂર્વ વડા પ્રધાન ચૌધરી ચરણ સિંહને તેમની પુણ્યતિથિ પર પુષ્પાંજલિ અર્પણ કરી."