ત્રીજી મેચમાં ઇંગ્લેન્ડે ભારતીય મહિલા ક્રિકેટ ટીમને પાંચ રનથી હરાવ્યું

મહિલા ક્રિકેટમાં યજમાન ઇંગ્લેન્ડે ગઈકાલે રાત્રે લંડનના ઓવલમાં પાંચ મેચની T20 સીરીઝની ત્રીજી મેચમાં ભારતને પાંચ રનથી હરાવ્યું. ઇંગ્લેન્ડના 172 રનના લક્ષ્યાંકના જવાબમાં ભારતીય ટીમ 5 વિકેટે 166 રન જ બનાવી શકી. ભારત તરફથી સ્મૃતિ મંધાનાએ 56 રન નોંધાવ્યા. જ્યારે અરુંધતી રેડ્ડી અને દીપ્તિ શર્માએ 3-3 વિકેટ લીધી. ઇંગ્લેન્ડની સોફિયા ડંકલીને પ્લેયર ઓફ ધ મેચ તરીકે પસંદ કરવામાં આવી. આ હાર છતાં ભારતીય ટીમ સીરીઝમાં બે-એકથી આગળ છે.

મહિલા ટી20 ક્રિકેટમાં, ભારતે બ્રિસ્ટલના કાઉન્ટી ગ્રાઉન્ડ ખાતે પાંચ મેચની શ્રેણીના બીજા મેચમાં ઇંગ્લેન્ડને 24 રનથી હરાવ્યું. પ્રથમ બેટિંગ કરતા, મહિલા ટીમે નિર્ધારિત 20 ઓવરમાં 4 વિકેટે 181 રન બનાવ્યા. ભારત માટે અમનજોત કૌરે 40 બોલમાં અણનમ 63 રન બનાવ્યા અને તેને પ્લેયર ઓફ ધ મેચ જાહેર કરવામાં આવી. જવાબમાં, યજમાન ટીમ નિર્ધારિત વીસ ઓવરમાં 7 વિકેટે 157 રન બનાવી શકી હતી.