સાયબર ગુનેગારો અપનાવી નવી તકનીક, “ઝીરો ક્લિક હેક” દ્વારા ડેટાની કરી રહ્યાં છે ચોરી

ડિજિટલ યુગમાં, મોબાઇલ ફોન અને લેપટોપ જીવનનો એક મહત્વપૂર્ણ ભાગ બની ગયા છે. લોકો દિવસભર કોલ્સ, સોશિયલ મીડિયા સ્ક્રોલિંગ અથવા મેસેજિંગ એપ્સ પર સમય વિતાવી રહ્યા છે. ધીમે ધીમે દરેક વ્યક્તિ ડિજિટલ પર નિર્ભર બની રહી છે. ડિજિટલ પર નિર્ભરતા વધી રહી છે તેમ સાયબર ક્રાઇમ પણ વધી રહ્યો છે. તાજેતરના સમયમાં, સાયબર ગુનેગારોએ "ઝીરો ક્લિક હેક" નામની એક નવી પદ્ધતિ શોધી કાઢી છે. આ પદ્ધતિ દ્વારા કોઈપણ લિંક પર ક્લિક કર્યા વિના ડેટા ચોરી કરવામાં આવી રહ્યો છે.

સાયબર ક્રાઈમ પોલીસ સ્ટેશનના ઈન્સ્પેક્ટરના જણાવ્યા અનુસાર, ઈઝરાયેલી સ્પાયવેરનો ઉપયોગ કરીને વિશ્વભરના લોકોનો ડેટા ચોરી કરવામાં આવી રહ્યો છે. આ હેકિંગ ટેકનિક હેઠળ, વપરાશકર્તાઓને કોઈપણ લિંક પર ક્લિક કરવાની જરૂર નથી. હેકર્સ વોટ્સએપ, ઇમેઇલ્સ અથવા મલ્ટીમીડિયા ફાઇલોમાં રહેલી નબળાઈઓનો લાભ લે છે અને સ્પાયવેર ઇન્સ્ટોલ કરે છે. આ સ્પાયવેર ફોનમાં પ્રવેશતાની સાથે જ યુઝરની ખાનગી માહિતી ચોરાઈ જવા લાગે છે. જો તમારો ફોન કોઈ કારણ વગર ધીમો પડી રહ્યો છે, બેટરી ઝડપથી ખતમ થઈ રહી છે, અથવા તમને સતત અજાણ્યા નંબરો પરથી મેસેજ આવી રહ્યા છે, તો આ તમારા ફોનને હેક કરવામાં આવ્યો હોવાના સંકેતો હોઈ શકે છે.

સાયબર ક્રાઇમ પોલીસ ઈસ્ટેકટરના જાણકારના જણાવ્યા અનુસાર, તમારા મોબાઇલ ફોનની બધી એપ્સ હંમેશા અપડેટ રાખો. જો તમારા મોબાઇલની બેટરી અચાનક ઝડપથી ખતમ થવા લાગે અથવા ડિવાઇસમાં કોઈ અજાણ્યો ફેરફાર જોવા મળે તો સાવધાન રહો. અજાણ્યા નંબરો પરથી આવતા સંદેશાઓ કે કોલ ટાળવા જોઈએ અને કોઈપણ શંકાસ્પદ પ્રવૃત્તિના કિસ્સામાં તાત્કાલિક સાયબર નિષ્ણાતની સલાહ લો. વોટ્સએપ અને ઈમેલ પર મળેલા અનિચ્છનીય દસ્તાવેજોના જોડાણો ચકાસણી વિના ખોલશો નહીં. ઇન્સ્પેક્ટરના મતે, સાયબર ક્રાઇમ ફક્ત સતર્ક રહેવાથી જ ટાળી શકાય છે. સાયબર ક્રાઈમ પોલીસ સ્ટેશનની ટીમ આવા ગુનેગારો વિશે સતત માહિતી એકઠી કરી રહી છે.