છત્તીસગઢઃ દારૂ કૌભાંડમાં પૂર્વ સીએમ ભૂપેશ બઘેલના પુત્ર ચૈતન્ય બઘેલની ધરપકડ

નવી દિલ્હીઃ એન્ફોર્સમેન્ટ ડિરેક્ટોરેટ (ED) એ કથિત દારૂ કૌભાંડ સંબંધિત મની લોન્ડરિંગ તપાસના ભાગ રૂપે છત્તીસગઢના ભૂતપૂર્વ મુખ્યમંત્રી ભૂપેશ બઘેલના પુત્ર ચૈતન્ય બઘેલના નિવાસસ્થાને નવા દરોડા પાડ્યા હતા. દરમિયાન, કેન્દ્રીય એજન્સીએ ચૈતન્ય બઘેલની ધરપકડ કરી છે. કેસમાં નવા પુરાવા મળ્યા બાદ, ED પ્રિવેન્શન ઓફ મની લોન્ડરિંગ એક્ટ (PMLA) હેઠળ ભિલાઈમાં ચૈતન્ય બઘેલના ઘરની તપાસ કરી રહી છે, જ્યાં તે તેના પિતા સાથે રહે છે.

ED એ શુક્રવારે સવારે દારૂ કૌભાંડ સંદર્ભે રાયપુરમાં પૂર્વ મુખ્યમંત્રી ભૂપેશ બઘેલ અને તેમના પુત્ર ચૈતન્ય બઘેલ સામે કાર્યવાહી કરી હતી. ભૂપેશ બઘેલના નિવાસસ્થાન સહિત અનેક સ્થળોએ દરોડા પાડવામાં આવ્યા હતા. આ દરમિયાન, ED એ ધરણા કૌભાંડ સંબંધિત મહત્વપૂર્ણ દસ્તાવેજો પણ જપ્ત કર્યા હતા અને ચૈતન્ય બઘેલની પૂછપરછ કરી હતી. ED ના સૂત્રોના જણાવ્યા અનુસાર, કોઈ સ્પષ્ટ જવાબ ન મળવાને કારણે, ચૈતન્યને કસ્ટડીમાં લઈને પૂછપરછ કરવી ખૂબ જ મહત્વપૂર્ણ હતી, ત્યારબાદ તેની ધરપકડ કરવામાં આવી હતી.