કેરળમાં ઉદ્યોગપતિ અને તેમની પત્ની હત્યા, અંગત અદાવતમાં હત્યા થયાની આશંકા

બેંગ્લોરઃ કેરળના કોટ્ટાયમમાં એક ઉદ્યોગપતિ અને તેની પત્નીની તેમના ઘરે હત્યા કરવામાં આવી હતી. પોલીસે જણાવ્યું હતું કે, તિરુવાથુક્કલમાં એક ઉદ્યોગપતિ અને તેની પત્નીના મૃતદેહ તેમના ઘરમાંથી મળી આવ્યા હતા. સવારે બંને લોહીથી લથપથ હાલતમાં મળી આવ્યા હતા અને બાદમાં પોલીસે તેને હત્યાનો કેસ માન્યો હતો. પોલીસે જણાવ્યું કે, મૃતકની ઓળખ વિજયકુમાર તરીકે થઈ છે, જે એક ઓડિટોરિયમના માલિક હતા. તે જિલ્લામાં બીજી ઘણી વ્યાપારિક સંસ્થાઓ ચલાવે છે. તેમની પત્ની મીરા પણ તે જ ઘરમાં મૃત હાલતમાં મળી આવી હતી.

પોલીસ સૂત્રોના જણાવ્યા અનુસાર, સવારે ઘરમાં કામ કરવા આવેલી તેમની નોકરાણીએ ઇમારતના આગળના ભાગમાં દંપતીના મૃતદેહ જોયા હતા. જોકે, તે પહેલા પાછળના દરવાજેથી ઘરમાં પ્રવેશ કરતી હતી, પરંતુ આજે સવારે ઘર તાળું મારેલું જોવા મળ્યું અને તેથી તે આગળના દરવાજેથી મકાનમાં પ્રવેશી હતી. તેણે તરત જ પડોશીઓને આ વાતની જાણ કરી હતી જે બાદ તેણે પોલીસનો સંપર્ક કર્યો હતો.

કોટ્ટાયમના પોલીસ અધિક્ષક શાહુલ હમીદે જણાવ્યું હતું કે પ્રથમ દ્રષ્ટિએ દંપતીનું મૃત્યુ હત્યા લાગે છે. આરોપીઓની શોધખોળ ચાલુ છે. પોલીસને તેની વિરુદ્ધ મહત્વપૂર્ણ પુરાવા મળ્યા છે. તેમણે એક ટીવી ચેનલને જણાવ્યું હતું કે આ ડબલ મર્ડરની તપાસ માટે એક ખાસ ટીમ બનાવવામાં આવશે. તેમણે કહ્યું, 'પુરાવાઓના આધારે, હત્યાનું કારણ વ્યક્તિગત દુશ્મનાવટ હોવાનું જણાય છે.' અત્યાર સુધી, અમને ગુનાના સ્થળેથી ચોરીના કોઈ પુરાવા મળ્યા નથી. મૃતક દંપતીની પુત્રી વિદેશમાં રહે છે.