બુમરાહમાં સારા કેપ્ટન બનવાના તમામ ગુણોઃ ચેતેશ્વર પૂજારા

ભારતીય ક્રિકેટ ટીમના સ્ટાર બેટ્સમેન ચેતેશ્વર પુજારાનું માનવું છે કે ઝડપી બોલર જસપ્રિત બુમરાહમાં સારો કેપ્ટન બનવાના તમામ ગુણો છે. રોહિત શર્માના કેપ્ટન પદ પરથી હટી ગયા બાદ ભારતે બુમરાહને લાંબા ગાળાના સુકાનીપદના વિકલ્પ તરીકે જોવું જોઈએ. રોહિતની ગેરહાજરીમાં, બુમરાહે ઓસ્ટ્રેલિયા સામેની પ્રથમ ટેસ્ટ મેચમાં તેના નેતૃત્વ કૌશલ્યનું સારું ઉદાહરણ રજૂ કર્યું અને ભારતને 295 રનથી જીત અપાવવામાં મહત્વની ભૂમિકા ભજવી હતી.

પૂજારાએ એક કાર્યક્રમમાં કહ્યું હતું કે, 'તેમાં કોઈ શંકા નથી કે તે લાંબા સમય સુધી કેપ્ટનશિપ માટે સારો વિકલ્પ છે. જ્યારે ભારત ઘરની ધરતી પર શ્રેણીમાં કારમી હારનો સામનો કર્યા પછી ઓસ્ટ્રેલિયામાં તેની પ્રથમ ટેસ્ટ મેચ રમી રહ્યું હતું, ત્યારે તેણે આ મુશ્કેલ સંજોગોમાં તેની નેતૃત્વ કુશળતાનું ઉજ્જવળ ઉદાહરણ રજૂ કર્યું હતું. તેમણે કહ્યું કે, 'હું માનું છું કે તેની પાસે ટીમનું નેતૃત્વ કરવાની ક્ષમતા છે અને તે ટીમ મેન છે. તમે તેને જુઓ, તે ક્યારેય ફક્ત પોતાના વિશે જ વાત કરતો નથી, તે ટીમ અને અન્ય ખેલાડીઓ વિશે વાત કરે છે.

ભારતને હોમ સિરીઝમાં ન્યૂઝીલેન્ડના હાથે 0-3થી હારનો સામનો કરવો પડ્યો હતો, જેના કારણે સતત ત્રીજી વખત વર્લ્ડ ટેસ્ટ ચેમ્પિયનશિપની ફાઇનલમાં પ્રવેશવાની તેની આશાને ફટકો પડ્યો હતો. સ્ટાર બેટ્સમેને બુમરાહ વિશે આગળ કહ્યું, 'તે ડ્રેસિંગ રૂમમાં ખેલાડીઓ સાથે ખૂબ જ મૈત્રીપૂર્ણ છે અને મદદ કરવા આતુર છે અને તેની સાથે વાત કરવા માટે સારો વ્યક્તિ છે. તે ક્રિકેટની બહાર પણ નમ્ર છે. ઓસ્ટ્રેલિયા સામે એડિલેડમાં 6 ડિસેમ્બરથી શરૂ થનારી બીજી ટેસ્ટ મેચમાં રોહિત શર્મા કેપ્ટન તરીકે વાપસી કરશે.