બોલીવુડઃ 2024નું વર્ષ હોરર-કોમેડી ફિલ્મો માટે રહ્યું અદભૂત, દર્શકોનો મળ્યો પ્રેમ

બોલિવૂડ માટે આ વર્ષ ઠીક-ઠીક રહ્યું છે. કેટલીક મોટા બજેટની ફિલ્મો બોક્સ ઓફિસ પર ફ્લોપ સાબિત થઈ હતી જ્યારે કેટલીક નાના બજેટની ફિલ્મો હિટ રહી હતી. આ વર્ષે લોકોને હોરર-કોમેડી ફિલ્મો ખૂબ જ પસંદ આવી છે. આ ફિલ્મોના કલેક્શન વિશે જાણીને તમે ચોંકી જશો. આ ફિલ્મોએ બોક્સ ઓફિસ પર જોરદાર કમાણી કરી છે.

મુંજ્યાઃ મુંજ્યા ફિલ્મ આ વર્ષની શરૂઆતમાં આવી હતી. આ ફિલ્મ જોયા પછી દરેક લોકો પ્રભાવિત થયા હતા. મુંજ્યાએ બોક્સ ઓફિસ પર એવી ધૂમ મચાવી કે બધા ચોંકી ગયા. 30 કરોડના કરોડના ખર્ચે બનેલી આ ફિલ્મનું વર્લ્ડવાઈડ બોક્સ ઓફિસ કલેક્શન લગભગ 132 કરોડ રહ્યું હતું.

સ્ત્રી 2: આ વર્ષે જ શ્રદ્ધા કપૂર, રાજકુમાર રાવની સ્ત્રી 2 રિલીઝ થઈ હતી. 15મી ઓગસ્ટે રિલીઝ થયેલી આ ફિલ્મની સાથે બીજી બે મોટી ફિલ્મો પણ રિલીઝ થઈ છે. સ્ત્રી 2 એ બંને મોટી ફિલ્મોને પાછળ છોડીને બોક્સ ઓફિસ પર હંગામો મચાવ્યો હતો. સ્ત્રી 2 એ વિશ્વભરમાં 840 કરોડ રૂપિયા એકત્ર કર્યા હતા. આ ફિલ્મ 50 કરોડ રૂપિયામાં બની હતી.

ભૂલભૂલૈયા- 3: કાર્તિક આર્યન આ પહેલા ભુલ ભુલૈયા 2 લાવ્યો હતો. આ ફિલ્મ હિટ સાબિત થઈ હતી અને હવે તેનો ત્રીજો ભાગ દિવાળી પર રિલીઝ કરવામાં આવ્યો છે. ભૂલ ભુલૈયા 3નું બજેટ 150 કરોડ હતું અને તેણે બોક્સ ઓફિસ પર અત્યાર સુધીમાં 421 કરોડનું કલેક્શન કર્યું છે.

કાકુડા: ડબલ રોલમાં સોનાક્ષી સિંહા સાથેની આ ફિલ્મ OTT પર રિલીઝ થઈ હતી. આ ફિલ્મને મિશ્ર પ્રતિસાદ મળ્યો છે પરંતુ હોરર કોમેડી ફિલ્મોને પસંદ કરનારા દર્શકોને આ ફિલ્મ પસંદ આવી હતી.