બિહાર ચૂંટણીઃ જાણી જોઈને ધીમુ મતદાન કરાવવાનો RJD લગાવ્યો આરોપ, કેટલાક ગામોએ મતદાનનો કર્યો બહિષ્કાર

પટનાઃ વિધાનસભાની 121 બેઠકો ઉપર પ્રથમ તબક્કામાં ચુસ્ત બંદોબસ્ત સાથે મતદાન ચાલી રહ્યું છે. દરમિયાન કેટલાક કેન્દ્રો ઉપર ઈવીએમ ખોટકાવાની ફરિયાદો ઉઠી હતી. બીજી તરફ આરજેડીએ મહાગઠબંધનના મજબુત બુથો ઉપર ધીમુ મતદાન થાય તેવા પ્રયાસનો આક્ષેપ કર્યો હતો. જ્યારે બિહારના શરીફમાં મતદાન વખતે જ સ્લિપ વહેંચવાના આરોપસર ભાજપના ચાર કાર્યકરોની અટકાયત કરવામાં આવી હતી. તેમજ પટનાના ફતુહા વિધાનસભા વિસ્તારના નિઝામપુર ગામના લોકોએ જમીન વિવાદના મામલે મતદાનનો બહિષ્કાર કર્યો હતો. આવી જ રીતે મુજફ્ફરપુરાના મતદારોએ પણ ઓવરબ્રિજ અને રસ્તો બનાવવા મામલે મતદાનનો બહિષ્કાર કર્યો હતો.

સુત્રોના જણાવ્યા અનુસાર શરીફમાં મતદાન વખતે જ સ્લિપ વહેંચવાના આરોપમાં ભાજપના ચાર કાર્યકરોની પોલીસ દ્વારા અટકાયત કરી લેવામાં આવી હતી. પોલીસે કહ્યું કે આ લોકો મતદારોને સ્લિપની વહેંચણી કરી રહ્યા હતા. ફતુહા વિધાનસભાના નિઝામપુરા ગામના લોકોએ મતદાનનો બહિષ્કાર કર્યો હતો. સવારે 7 કલાકે મતદાન શરૂ થયું હતું પરંતુ હજુ સુધી કોઈ મતદાર મતદાન કરવા બહાર નીકળ્યો ન હતો. જમીન વિવાદને લઈને લોકોએ મતદાનનો બહિષ્કાર કર્યો હોવાનું જાણવા મળે છે. દરમિયાન આરજેડીએ આરોપ લગાવ્યો હતો કે, પ્રથમ તબક્કામાં બોટિંગ દરમિયાન મહાગઠબંધનના મજબુત બુથો ઉપર ધીમુ મતદાન થાય તેવા ઉદેશથી વચ્ચે-વચ્ચે વીજ કાર કરવામાં આવી રહ્યો છે. જાણી જોઈને ધીમુ મતદાન કરાવવામાં આવી રહ્યું છે. જેથી ચૂંટણીપંચને માંગણી કરીએ છીએ, આ ધાંધલીને ધ્યાનમાં લઈને યોગ્ય કાર્યવાહી કરે.

ચૂંટણી દરમિયાન અનેક મતદાન મથકો પર EVM મશીનોમાં ખામી સર્જાતા મતદાન પ્રક્રિયામાં વિક્ષેપ પડ્યો હતો. વૈશાલીના લાલગંજમાં બૂથ નંબર 334 અને 335 પર EVM ખરાબ થતાં પરિસ્થિતિ તંગ બની હતી અને સ્થાનિક લોકોએ "વોટ ચોર" ના નારા લગાવીને ભારે હોબાળો મચાવ્યો હતો. આ ઉપરાંત, દરભંગાના બૂથ નંબર 153, રાઘોપુર અને દાનાપુરના બૂથ નંબર 196 પર પણ EVM માં ખામી સર્જાવાને કારણે મતદાન અટકાવવાની ફરજ પડી હતી. આ ઘટનાઓ વચ્ચે, દરભંગામાં ગઈકાલે મોડી રાત્રે એક યુવક પાસેથી 1 લાખ રૂપિયાની રોકડ રકમ પણ મળી આવી હતી.