બેંક ખાતાધારકોએ હવે 4 નોમિનીના નામ આપવા પડશે, સરકાર ટૂંક સમયમાં કાયદો લાવશે

બેંકોમાં ખાતા ધરાવતા ખાતાધારકો માટે મોટા સમાચાર છે. સંસદનું શિયાળુ સત્ર આજથી શરૂ થઈ ગયું છે અને અદાણી લાંચ વિવાદને લઈને પહેલા જ દિવસે સંસદમાં હંગામો થયા બાદ તેને બપોરે 12 વાગ્યા સુધી સ્થગિત કરી દેવામાં આવ્યું છે. આ સત્રમાં સરકાર દેશમાં બેન્કિંગ સેક્ટરમાં ઘણા બદલાવ લાવવા માટે બેન્કિંગ એમેન્ડમેન્ટ બિલ પસાર કરવાનો પ્રયાસ કરશે.

ખાતાધારકો માટે નોમિની માટે નવા નિયમો ટૂંક સમયમાં
હવે ટૂંક સમયમાં બેંકમાં ખાતાધારકો માટે તેમના ખાતાના નોમિનીને લઈને નવા નિયમો આવવા જઈ રહ્યા છે. બેંકિંગ એમેન્ડમેન્ટ બિલ સંસદમાં પસાર થયા બાદ આવું થશે. સરકાર સંસદમાં બેંકિંગ એમેન્ડમેન્ટ બિલ પાસ કરાવવાનો પ્રયાસ કરશે જે હાલમાં લોકસભામાં પેન્ડિંગ છે. અગાઉ ઓગસ્ટ 2024માં કેન્દ્રીય કેબિનેટે બેન્કિંગ બિલ પસાર કર્યું હતું.

નાણાપ્રધાન નિર્મલા સીતારમણ સંસદના શિયાળુ સત્ર દરમિયાન બેન્કિંગ એમેન્ડમેન્ટ બિલ પાસ કરાવવાનો પ્રયાસ કરશે. આમાં જે મોટા ફેરફારો થવા જઈ રહ્યા છે તે બેંક ખાતાઓ માટે પણ મહત્વપૂર્ણ છે. બેંકિંગ લોઝ એમેન્ડમેન્ટ બિલ 2024 હેઠળ બેંક ખાતા માટે નોમિનીની સંખ્યા વધારીને ચાર કરવાનો પ્રસ્તાવ હશે. જ્યારે બેંકિંગ એમેન્ડમેન્ટ બિલ સંસદમાં લોકસભાના ટેબલ પર પસાર થશે, ત્યારે દરેક વ્યક્તિએ પોતાના બેંક ખાતામાં 4 નોમિનેશન કરવું ફરજિયાત બની જશે. આ બિલ હેઠળ દરેક બેંક ખાતા પર નોમિનીની મર્યાદા વધારીને ચાર કરવાનો પ્રસ્તાવ છે, જે હાલમાં એક છે.

જાણો આ બિલની ખાસિયતો
કાં તો બેંક ખાતાધારકે નોમિનીને તેમની પ્રાથમિકતાના આધારે ક્રમાંકિત કરવાનો રહેશે અથવા તેઓ બેંકિંગ નિયમો અનુસાર દરેક નોમિનીનો હિસ્સો નક્કી કરી શકશે. જો એકાઉન્ટ હોલ્ડર નોમિની વિકલ્પ પસંદ કરે છે તો તેણે પહેલા, બીજા, ત્રીજા અને ચોથા નોમિનીનું નામ નક્કી કરવાનું રહેશે. ખાતાધારકના મૃત્યુ પછી, તેના ચાર નોમિનીઓને ક્રમિક રીતે ખાતાના અધિકારો મળશે. પ્રથમ, બીજા કે ત્રીજા નોમિની પછીના જીવંત નોમિનીને ખાતાનો અધિકાર મળશે.