સુદાનના ઓમદુરમનમાં રેપિડ સપોર્ટ ફોર્સ પર હુમલો, 54 લોકોના મોત

સુદાનમાં દેશની સેના સામે લડતા કુખ્યાત અર્ધલશ્કરી જૂથ, રેપિડ સપોર્ટ ફોર્સિસ (RSF) એ ઓમદુરમન શહેરના ખુલ્લા બજારમાં નાગરિકો પર હુમલો કર્યો, જેમાં 54 લોકો માર્યા ગયા છે. સબરીન માર્કેટમાં થયેલા આ હુમલામાં 150 થી વધુ લોકો ઘાયલ થયા હતા. સુદાનના આરોગ્ય મંત્રાલયે આ ઘટનાની પુષ્ટિ કરી છે.

સુદાનમાં 1 ફેબ્રુઆરી જ્યારે બજારમાં મોટી સંખ્યામાં લોકો ખરીદી કરી રહ્યા હતા ત્યારે આ હુમલો થયો. આ હુમલા બાદ શહેરમાં ગભરાટ ફેલાયો હતો અને સ્થાનિક વહીવટીતંત્રે પરિસ્થિતિને કાબૂમાં લેવાના પ્રયાસો તેજ કર્યા છે. સરકારી પ્રવક્તા ખાલિદ અલ-અલિસરે આ હુમલાની નિંદા કરી અને કહ્યું કે મૃતકોમાં ઘણી મહિલાઓ અને બાળકો પણ સામેલ છે. તેમણે તેને ગંભીર માનવતાવાદી કટોકટી ગણાવી અને કહ્યું કે તેનાથી ખાનગી અને જાહેર સંપત્તિઓને પણ ભારે નુકસાન થયું છે. 

આ આંતરરાષ્ટ્રીય માનવતાવાદી કાયદાનું ઘોર ઉલ્લંઘન છે. સંયુક્ત રાષ્ટ્ર અને માનવાધિકાર સંગઠનોએ આ હુમલા અંગે ચિંતા વ્યક્ત કરી છે. આંતરરાષ્ટ્રીય ફોજદારી અદાલતે એમ પણ કહ્યું છે કે તે આ કેસ સાથે જોડાયેલા સંભવિત યુદ્ધ ગુનાઓ અને માનવતા વિરુદ્ધના ગુનાઓની તપાસ કરી રહી છે.