અવકાશયાત્રી સુનીતા વિલિયમ્સની અંતરિક્ષમાંથી દિવાળીની શુભેચ્છાઓ

નવી દિલ્હીઃ અવકાશયાત્રી સુનિતા વિલિયમ્સ જે લગભગ પાંચ મહિનાથી અવકાશમાં છે. તેમણે યુનાઈટેડ સ્ટેટ્સ ઑફ અમેરિકા અને સમગ્ર વિશ્વમાં તહેવારની ઉજવણી કરનારાઓને દિવાળીની હાર્દિક શુભેચ્છાઓ પાઠવી છે. આ વીડિયો ઈન્ટરનેશનલ સ્પેસ સ્ટેશન (ISS) માંથી શેર કરવામાં કરવામાં આવ્યો છે. ત્યારે તેમણે જણાવ્યું હતું કે, આ વખતે મને પૃથ્વીથી 260 માઈલ ઉપરથી દિવાળી ઉજવવાની અનોખી તક મળી છે.

સુનીતા વિલિયમ્સનો આ વીડિયો મેસેજ ખૂબ જ હૃદયસ્પર્શી

સુનીતા વિલિયમ્સે વીડિયો સંદેશમાં કહ્યું, ISS તરફથી દિવાળીની શુભેચ્છાઓ. હું વ્હાઇટ હાઉસ અને સમગ્ર વિશ્વમાં આજે ઉજવણી કરી રહેલા દરેકને દિવાળીની ખૂબ ખૂબ શુભેચ્છાઓ પાઠવું છું. આ વર્ષે મને પૃથ્વીથી 260 માઈલ ઉપર ISS પર દિવાળી ઉજવવાની અનોખી તક મળી છે. મારા પિતાએ અમને દિવાળી અને અન્ય ભારતીય તહેવારો વિશે શીખવીને અમારા સાંસ્કૃતિક મૂળ જાળવી રાખ્યા છે. વિલિયમ્સે તહેવારના આશા અને નવીકરણના સંદેશ પર ભાર મૂકતા કહ્યું કે દિવાળી એ આનંદનો સમય છે કારણ કે વિશ્વમાં સારાપણું પ્રવર્તે છે.

સુનીતા વિલિયમ્સએ બૂચ વિલ્મોર સાથે જૂનથી ISS પર છે

સુનીતા વિલિયમ્સનો આ વીડિયો મેસેજ ખૂબ જ હૃદયસ્પર્શી છે. વ્હાઇટ હાઉસમાં આયોજિત દિવાળીની ખાસ ઉજવણી દરમિયાન આ વાત સામે આવી હતી. આ સમારોહમાં રાષ્ટ્રપતિ બિડેન સહિત ભારતીય મૂળના ઘણા લોકોએ ભાગ લીધો હતો. વ્હાઇટ હાઉસ ખાતે દિવાળી પર્વનું આયોજન કરવામાં આવ્યું હતું. જોકે સુનીતા વિલિયમ્સ તેમના સાથી અવકાશયાત્રી બૂચ વિલ્મોર સાથે જૂનથી ISS પર છે. બંનેએ તેમની પ્રથમ ક્રૂ ફ્લાઇટ 5 જૂને બોઇંગના સ્ટારલાઇનર સ્પેસક્રાફ્ટ પર કરી હતી, જે 6 જૂને સ્પેસ સ્ટેશન પર આવી હતી.

6 સપ્ટેમ્બરે અવકાશયાન સફળતાપૂર્વક પાછું ફર્યું

સ્ટારલાઇનરને તેના ક્રૂ વિના પૃથ્વી પર પરત કરવાનો નિર્ણય લેવામાં આવ્યો હતો. 6 સપ્ટેમ્બરે અવકાશયાન સફળતાપૂર્વક પાછું ફર્યું. ઓગસ્ટમાં નાસાએ કહ્યું હતું કે વિલ્મોર અને વિલિયમ્સને પૃથ્વી પર પાછા ફરવાનું ખૂબ જોખમી છે. વિલ્મોર અને વિલિયમ્સે અભિયાનના ભાગરૂપે ઔપચારિક રીતે તેમનું કાર્ય ચાલુ રાખ્યું છે. બંને આવતા વર્ષે ફેબ્રુઆરીમાં પરત ફરશે.