દિલ્હીમાં પ્રદુષણ વચ્ચે ધુમ્મસની ચાદર છવાઈ, લોકોને શ્વાસ લેવામાં સમસ્યા પડી

નવી દિલ્હીઃ બદલાતા હવામાનના કારણે લોકો ધુમ્મસનો સામનો કરી રહ્યા છે. સતત વધી રહેલા પ્રદૂષણના સ્તરને કારણે રાજધાનીમાં ધુમ્મસની ચાદર છવાઈ ગઈ છે. દિલ્હીના ઘણા ભાગોમાં AQI 400ને પાર થઈ ગયો છે. રાજધાની ગેસ ચેમ્બર બની રહ્યું હોય તેમ લાગી રહ્યું છે. જેના કારણે લોકોને શ્વાસ લેવામાં તકલીફ પડી રહી છે. સ્થિતિ એવી છે કે લાંબા સમય સુધી ખુલ્લામાં રહેવાથી છાતીમાં બળતરા અને આંખોમાં દુખાવાની સમસ્યા ઉભી થઈ છે.

સેન્ટ્રલ પોલ્યુશન કંટ્રોલ બોર્ડ (CPCB)ના ડેટા અનુસાર, આજે સવારે 8 વાગ્યે આનંદ વિહારમાં AQI 405, મુંડકામાં 413, બવાનામાં 418, અશોક વિહારમાં 414, ITO માં 355, જહાંગીરપુરીમાં 435, રોહિણીમાં 407, નજફગઢમાં 366, પંજાબી બાગમાં 407, આકેપુરમમાં 387, સોનિયા વિહારમાં 394 અને દ્વારકા સેક્ટર 8માં 401 એક્યુઆર નોંધાયો હતો

ભારતીય ઉષ્ણકટિબંધીય હવામાનશાસ્ત્ર સંસ્થા (IITM) અનુસાર, બુધવારે ઉત્તર-પશ્ચિમ દિશાઓથી પવન ફૂંકાયો હતો. આ દરમિયાન પવનની ઝડપ 6 કિલોમીટર પ્રતિ કલાક રહી હતી. ગુરુવારે ઉત્તર-પશ્ચિમ દિશામાંથી પવન ફૂંકાય તેવી શક્યતા છે. પવનની ઝડપ 8 કિલોમીટર પ્રતિ કલાક રહેશે. શુક્રવારે પવન ઉત્તર-પશ્ચિમ દિશામાંથી ફૂંકાશે. આવી સ્થિતિમાં પવનની ઝડપ 6 કિલોમીટર પ્રતિ કલાક રહેવાની ધારણા છે. શનિવારે પવન ઉત્તર-પશ્ચિમ દિશામાંથી ફૂંકાશે. પવનની ઝડપ 6 કિલોમીટર પ્રતિ કલાક રહેશે. આ સમયગાળા દરમિયાન ગાઢ ધુમ્મસની અપેક્ષા છે. આવી સ્થિતિમાં, હવા ખૂબ જ નબળી શ્રેણી સુધી પહોંચવાની અપેક્ષા છે.