27 વર્ષ બાદ અજય દેવગન અને આમીર ખાન સાથે જોવા મળશે?

આમિર ખાન અને અજય દેવગન એક ઈવેન્ટમાં સાથે જોવા મળ્યા હતા. આમિર અને અજય આગામી ફિલ્મ તેરા યાર હૂં મેંના મુહૂર્ત લોંચનો ભાગ બન્યા હતા. ફિલ્મ નિર્માતા ઈન્દ્ર કુમારનો પુત્ર અમન આ ફિલ્મથી અભિનયની શરૂઆત કરવા જઈ રહ્યો છે. બંનેને એકસાથે જોઈને ચાહકો ખૂબ જ ખુશ થઈ ગયા અને અનુમાન લગાવવા લાગ્યા કે ઈશ્ક 2 આવશે. દરમિયાન અજયે ઈશ્ક 2ને લઈને એક મોટું અપડેટ આપ્યું છે.

ફિલ્મ તેરા યાર હૂં મેંના શુભ લોન્ચ પર અજય દેવગને કહ્યું હતું કે,, હું આમિરને કહેતો હતો કે અમે ઈશ્કના સેટ પર ખૂબ જ મસ્તી કરી હતી. આપણે બીજી ફિલ્મ કરવી જોઈએ. ફિલ્મ ઈશ્ક વર્ષ 1997માં સિનેમાઘરોમાં રિલીઝ થઈ હતી. બંનેની ઓન-સ્ક્રીન કેમેસ્ટ્રી દર્શકોને પસંદ આવી હતી. આ ફિલ્મમાં તેની સાથે જૂહી ચાવલા અને કાજોલે કામ કર્યું હતું. આ એક રોમેન્ટિક કોમેડી ફિલ્મ હતી. દલિપ તાહિલ અને સદાશિવ અમરાપુરકરે પણ આમાં મહત્વની ભૂમિકા ભજવી હતી.

હાલમાં અજય દેવગન સિંઘમ અગેઈન ફિલ્મની સફળતાની ઉજવણી કરી રહ્યો છે. રોહિત શેટ્ટીની આ ફિલ્મે પહેલા વીકએન્ડમાં જ બોક્સ ઓફિસ પર ધમાકો કર્યો હતો અને 100 કરોડની કમાણી કરી હતી. આ ફિલ્મમાં અજય બાજીરાવ સિંઘમનો રોલ કરી રહ્યો છે. તેમના સિવાય ફિલ્મમાં મોટી સ્ટાર કાસ્ટ છે, જેમાં દીપિકા પાદુકોણ, અર્જુન કપૂર, અક્ષય કુમાર, કરીના કપૂર, રણવીર સિંહ છે. સલમાન ખાનના કેમિયોએ પણ દર્શકોને પ્રભાવિત કર્યા છે.