દિલ્લી-NCR માં હવાનું પ્રદુષણ વધ્યું: સતત ચોથા દિવસે AQI “ગંભીર” શ્રેણીમાં
નવી દિલ્હી: દિલ્લી-એનસીઆરમાં ઠંડી વધતા હવાની ગુણવત્તા વધુ ખરાબ થઈ રહી છે. સતત ચોથા દિવસે શુક્રવારે હવામાં પ્રદૂષણનું સ્તર ‘ગંભીર’ કેટેગરીમાં રહ્યું હતું. શહેરના મોટા ભાગના વિસ્તારોમાં AQI 400થી ઉપર નોંધાયો છે. ડૉક્ટરોએ આ સ્થિતિને અતિ જોખમી કહી તાત્કાલિક અસરકારક પગલા લેવા પર ભાર મૂક્યો છે.
શહેરમાં સવારે જ ભારે ધુમ્મસ છવાયું હતું, પ્રદૂષણનું સ્તર એટલું ઊંચું છે કે સૂર્યપ્રકાશ પણ ચોમેર ધૂંધળું દેખાયુ હતો. સમગ્ર શહેર ‘ગેસ ચેમ્બર’ જેવી પરિસ્થિતિનો સામનો કરી રહ્યું છે.
વિસ્તાર AQI
વજીરપુર 447
ચાંદની ચોક 445
બવાણા 442
ITO 431
અશોક વિહાર 422
સોનિયા વિહાર 420
આનંદ વિહાર 410
નજફગઢ 402
ઓખલા 401
સેન્ટ્રલ પોલ્યુશન કન્ટ્રોલ બોર્ડ (CPCB) મુજબ દિલ્લીના 39 મોનીટરીંગ સ્ટેશનોમાંથી 28માં પ્રદૂષણ ગંભીર સ્તરે નોંધાયું છે. આવતા દિવસોમાં પરાળીનો ધૂમાડાને પગલે એનસીઆરની હવાની સ્થિતિ વધુ ખરાબ થવાની શક્યતા જણાવાઈ છે.