અફઘાનિસ્તાન ક્રિકેટ ટીમનો બાંગ્લાદેશ સામે ઘરઆંગણે T20I શ્રેણીમાં 0-3થી પરાજય

એશિયા કપમાં નિરાશાજનક પ્રદર્શન કરનાર અફઘાનિસ્તાન ક્રિકેટ ટીમને બાંગ્લાદેશ સામે ઘરઆંગણે T20I શ્રેણીમાં 0-3થી હારનો સામનો કરવો પડ્યો. શારજાહમાં રમાયેલી ત્રીજી મેચમાં અફઘાનિસ્તાનનો 6 વિકેટથી પરાજય થયો. બાંગ્લાદેશે ટોસ જીતીને પ્રથમ બોલિંગ કરવાનો નિર્ણય લીધો હતો. અફઘાનિસ્તાને 20 ઓવરમાં 9 વિકેટે 143 રન બનાવ્યા. દરવેશ અબ્દુલ રસૂલીએ 29 બોલમાં સૌથી વધુ 32 રન બનાવ્યા. સેદીકુલ્લાહ અટલે 28 અને મુજીબ ઉર રહેમાને 23 રન બનાવ્યા.

બાંગ્લાદેશ તરફથી મોહમ્મદ સૈફુદ્દીને 3 ઓવરમાં 15 રન આપીને 3 વિકેટ લીધી. નસુમ અહેમદ અને તન્ઝીમ હસન સાકિબે 2-2 વિકેટ લીધી. શોરીફુલ ઇસ્લામ અને રિશાદ હુસૈને 1-1 વિકેટ લીધી. બાંગ્લાદેશે 6 વિકેટથી મેચ જીતી લીધી, જેમાં સૈફ હસનના 38 બોલમાં 7 છગ્ગા અને 2 ચોગ્ગા સહિત અણનમ 64 રનની મદદથી 18 ઓવરમાં 4 વિકેટ ગુમાવીને 144 રનનો સ્કોર બનાવ્યો. તન્ઝીદ હસને 33 રન બનાવ્યા.

બેટિંગની જેમ અફઘાનિસ્તાનની બોલિંગ પણ સામાન્ય રહી. મુજીબ ઉર રહેમાને 2 વિકેટ લીધી. રાશિદ ખાને 4 ઓવરમાં 13 રન આપ્યા પરંતુ એક પણ વિકેટ લેવામાં નિષ્ફળ રહ્યા. ઓમરઝાઈએ ​​3 ઓવરમાં 12 રન આપીને 1 વિકેટ લીધી. એશિયા કપ 2025માં, અફઘાનિસ્તાનને ફાઇનલ માટે દાવેદાર માનવામાં આવતું હતું, પરંતુ સુપર કપ સુધી પહોંચવામાં પણ નિષ્ફળ રહ્યું. અફઘાનિસ્તાનને તેનું પ્રદર્શન સુધારવાની જરૂર પડશે. તેમના પ્રદર્શનમાં ઘટાડો એ વિશ્વ ક્રિકેટ માટે નુકસાન છે.