મૌની અમાવસ્યાના અવસર પર મહા કુંભમેળામાં લગભગ દસ કરોડ શ્રદ્ધાળુઓ પહોંચશે

લખનૌઃ ઉત્તર પ્રદેશ સરકારે 29 જાન્યુઆરીએ મૌની અમાવસ્યાના અવસર પર મહા કુંભમેળામાં લગભગ દસ કરોડ શ્રદ્ધાળુઓ પહોંચશે તેવી આશા વ્યક્ત કરી, જેને ધ્યાનમાં રાખીને, રાજ્ય સરકાર ટ્રાફિક અને ભીડના અસરકારક સંચાલન માટે વ્યાપક પગલાં લઈ રહી છે. મહાકુંભ મેળાને પાંચ વિભાગો અને 25 ક્ષેત્રોમાં વહેંચવામાં આવ્યો છે. મૌની અમાવસ્યા માટે ભક્તોની સલામત અને અવિરત અવરજવર સુનિશ્ચિત કરવા માટે વહીવટીતંત્ર સંપૂર્ણ તૈયાર છે.મહાકુંભ અંગે ઉપરાષ્ટ્રપતિ જગદીપ ધનખડે પણ ખુશી વ્યક્ત કરી છે.

દરમિયાન મહાકુંભ મેળામાં ત્રણ દિવસનો ડ્રોન શો શરૂ થયો છે. રાજ્યના પ્રવાસન વિભાગ દ્વારા આયોજિત આ શોમાં રાત્રિના આકાશમાં અદભુત જીવંત દ્રશ્યો બનાવતા સેંકડો ડ્રોન દર્શાવવામાં આવ્યા હતા. અમૃત કળશ અને સમુદ્ર મંથન સાથે દેવતાઓનાં ચિત્રણએ પ્રેક્ષકોને મંત્રમુગ્ધ કરી દીધા હતા.ડ્રોન શોએ મહાકુંભના આધ્યાત્મિક અને સાંસ્કૃતિક સારનું સુંદર રીતે ચિત્રણ કર્યું, જે પ્રેક્ષકો પર એક અવિસ્મરણીય છાપ છોડી ગયું છે.