દિલ્હી વિધાનસભા ચૂંટણી માટે AAPએ જાહેર કર્યું ઘોષણાપત્ર, કેજરીવાલે 15 ગેરંટી આપી

નવી દિલ્હી: આમ આદમી પાર્ટી (AAP) ના રાષ્ટ્રીય સંયોજક અરવિંદ કેજરીવાલે સોમવારે 5 ફેબ્રુઆરીએ દિલ્હી વિધાનસભા ચૂંટણી પહેલા "કેજરીવાલની ગેરંટી" નામનો પાર્ટીનો મેનિફેસ્ટો બહાર પાડ્યો હતો. મેનિફેસ્ટો બહાર પાડતી વખતે, કેજરીવાલે ભાજપ પર પ્રહારો કર્યા હતા, અને આરોપ લગાવ્યો કે તે AAP વચન આધારિત શાસનની નકલ કરે છે.

તેમણે વધુમાં જણાવ્યું હતું કે,  “દેશમાં ‘ગેરંટી’ શબ્દ બનાવનારા અમે સૌપ્રથમ હતા. ભાજપે તે ચોરી લીધું પણ ફરક એ છે કે આપણે આપણી ગેરંટીઓ પૂરી કરીએ છીએ જ્યારે તેઓ પૂરી નથી કરતા." ઢંઢેરામાં 15 ગેરંટીઓની યાદી છે, જેમાં કેજરીવાલે દિલ્હીના રહેવાસીઓ માટે રોજગાર સર્જનને તેમની પહેલી ગેરંટી તરીકે સૂચિબદ્ધ કર્યું છે. "નક્કર" પગલાંનું વચન આપવામાં આવ્યું છે.

'મહિલા સન્માન યોજના' હેઠળ બીજી ગેરંટી મહિલાઓને માસિક રૂ. 2,100 ની નાણાકીય સહાયની ખાતરી આપી છે. વરિષ્ઠ નાગરિકો માટે 'સંજીવની યોજના' મફત આરોગ્યસંભાળ પૂરી પાડશે. આ ત્રીજી ગેરંટી છે. ચોથી ગેરંટી બાકી રહેલા "વધારેલા" પાણીના બિલ માફ કરવાનું વચન આપ્યું છે, જ્યારે પાંચમી ગેરંટી રાષ્ટ્રીય રાજધાનીના દરેક ઘરને 24 કલાક સ્વચ્છ પીવાના પાણીની સપ્લાયની ખાતરી આપવામાં આવી છે. અન્ય મુખ્ય વચનોમાં પ્રદૂષિત યમુના નદીને સાફ કરવાની અને દિલ્હીના રસ્તાઓને વિશ્વસ્તરીય બનાવવાની પ્રતિબદ્ધતાનો સમાવેશ થાય છે.

'બાબાસાહેબ આંબેડકર શિષ્યવૃત્તિ યોજના' હેઠળ, AAP એ અનુસૂચિત જાતિ (SC) અને અનુસૂચિત જનજાતિ (ST) ના વિદ્યાર્થીઓને વિદેશમાં અભ્યાસ કરવા માટે શિષ્યવૃત્તિ આપવાનું વચન આપ્યું છે. પુરુષ વિદ્યાર્થીઓને મફત બસ મુસાફરી અને મેટ્રો ભાડામાં 50 ટકા ડિસ્કાઉન્ટનો લાભ પણ મળશે. આ મેનિફેસ્ટોમાં પુજારીઓ અને ગુરુદ્વારાના ગ્રંથીઓને માસિક 18 હજાર રૂપિયાની નાણાકીય સહાય અને ભાડૂતોને મફત વીજળી અને પાણીના લાભોનું વચન આપવામાં આવ્યું છે.

 આ ઉપરાંત, AAP એ દિલ્હીની ગટર વ્યવસ્થા સુધારવા, સિસ્ટમથી બાકાત રહેલા લોકોને રેશન કાર્ડ આપવા અને ઓટો અને કેબ ડ્રાઇવરોને નાણાકીય સહાય આપવાનું વચન આપ્યું છે. પાર્ટીએ તેમની પુત્રીઓના લગ્ન માટે 1 લાખ રૂપિયા અને 10 લાખ રૂપિયાનું વીમા કવચ આપવાનું પણ વચન આપ્યું છે.

રેસિડેન્ટ વેલ્ફેર એસોસિએશન (RWA) ને સુરક્ષા રક્ષકોની ભરતી કરવા અને સ્થાનિક સુરક્ષા ચિંતાઓને સંબોધવા માટે ભંડોળ પણ આપવામાં આવશે. કેજરીવાલે ભારપૂર્વક જણાવ્યું હતું કે AAP ની હાલની મફત કલ્યાણકારી યોજનાઓ, જે દિલ્હીના રહેવાસીઓને દર મહિને લગભગ 25,000 રૂપિયાના લાભ આપે છે, જો તે સત્તામાં આવશે તો તે ચાલુ રહેશે.

તેમણે કહ્યું, “ભાજપે પહેલાથી જ સ્પષ્ટ કરી દીધું છે કે જો તેઓ સત્તામાં આવશે તો તેઓ આ બધી યોજનાઓ બંધ કરી દેશે. હું દિલ્હીના લોકોને પૂછવા માંગુ છું કે, જો ભાજપ આ લાભો બંધ કરી દે, તો શું તમે તે પરવડી શકશો?" દિલ્હી વિધાનસભા ચૂંટણીના પરિણામો 8 ફેબ્રુઆરીએ જાહેર કરવામાં આવશે. આ ચૂંટણીઓને AAP સરકારના શાસન મોડેલ પર લોકમત તરીકે જોવામાં આવી રહી છે, જે મફત કલ્યાણકારી યોજનાઓ પર ખૂબ આધાર રાખે છે.