આર્ટિફિશિયલ ઈન્ટેલિજન્સની ઔદ્યોગિક ઉત્પાદનમાં ઉપયોગીતા અંગે સેમિનાર યોજાશે

આર્ટિફિશિયલ ઈન્ટેલિજન્સ (AI) વિવિધ ઉત્પાદન પ્રક્રિયાઓમાં કાર્યક્ષમતા,ચોકસાઈ અને અનુકૂલનક્ષમતા વધારીને ઉત્પાદન ઉદ્યોગમાં પરિવર્તન લાવી રહ્યું છે. ખાસ કરીને ઈન્ડસ્ટ્રી 4.0 ના સંદર્ભમાં મશીન લર્નિંગ, કોમ્પ્યુટર વિઝન અને નેચરલ લેંગ્વેજ પ્રોસેસિંગ (NLP) જેવી AI ટેક્નોલોજીઓ લાગુ કરવાથી ઉત્પાદન પ્રક્રિયાઓના વિવિધ પાસાઓમાં સુધારો થાય છે. AI એ ઉત્પાદન કાર્યક્ષમતાને શ્રેષ્ઠતમ કરવા, ગુણવત્તા સુધારવા અને ડાઉનટાઇમ ઘટાડવા માટે સેન્સર્સ, સાધનો અને ઉત્પાદન રેખાઓમાંથી મોટા પ્રમાણમાં ડેટાનું વિશ્લેષણ કરી શકે છે.

વૈશ્વિક સ્તરે માન્યતા પ્રાપ્ત Intel AI સાથે પરસ્પર હાથ મિલાવ્યા છે

ડેટામાં પેટર્નને ઓળખવા માટે એલ્ગોરિધમ્સનો ઉપયોગ કરીને, AI સંભવિત સમસ્યાઓની સમીક્ષા કરી શકે છે, સુધારણા સૂચવી શકે છે અને રીઅલ-ટાઇમમાં પ્રક્રિયાઓને સ્વાયત્ત રીતે સ્વીકારી શકે છે. તેના અનુસંધાને Intel અને ગુજરાત ટેક્નોલોજિકલ યુનિવર્સિટી (GTU) એ મેન્યુફેક્ચરિંગ સર્ટિફિકેટ કોર્સ ઓફર કરવા માટે વૈશ્વિક સ્તરે માન્યતા પ્રાપ્ત Intel AI સાથે પરસ્પર હાથ મિલાવ્યા છે, જેને ગુજરાત ચેમ્બર ઓફ કોમર્સ એન્ડ ઈન્ડસ્ટ્રી (GCCI) દ્વારા સપોર્ટ કરવામાં આવે છે.

વિષય પર એક ટેક્નિકલ કાર્યક્રમનું આયોજન કરાયું છે

AI ની જાગૃતિના પ્રસારને વિસ્તારવા અને ઔદ્યોગિક પ્રક્રિયાઓમાં AIના સંભવિત પ્રવેશને જાણવા માટે, ગુજરાત ટેકનોલોજીકલ યુનિવર્સિટીએ Intel ના સહયોગથી તા. 28મી ફેબ્રુઆરીએ સવારે 10.00 થી બપોરે 12.00 સુધી ગુજરાત પાવર એન્જિનિયરિંગ એન્ડ રિસર્ચ ઇન્સ્ટિટ્યૂટ (GPERI), મેવડ, મહેસાણા ખાતે “ઔદ્યોગિક ઉત્પાદન ક્ષેત્રે આર્ટિફિશિયલ ઇન્ટેલિજન્સની દૂરગામી ઉપયોગિતાઓ” વિષય પર એક ટેક્નિકલ કાર્યક્રમનું આયોજન કરાયું છે.

નવીન અધ્યાય વિશે જાણકારી મેળવવા હાર્દિક આમંત્રણ આપવામાં આવે છે

જેમાં મહેસાણા જિલ્લા અને આસપાસ ના GIDC વિસ્તારોમાં આવેલ ઉત્પાદક એકમોમાં સક્રિય એવા ઇજનેરો, માલિકો, નિર્ણાયક મેનેજમેન્ટના સદસ્યોને આ કાર્યક્રમમાં ઉપસ્થિત રહીને, ટેક્નોલોજીના ઉભરતા આ નવીન અધ્યાય વિશે જાણકારી મેળવવા હાર્દિક આમંત્રણ આપવામાં આવે છે. કાર્યક્રમમાં યોગ્ય વ્યવસ્થા થઈ શકે, તે માટે આવનાર દરેક ઈચ્છુકને રજીસ્ટ્રેશન કરાવી લેવાનો આગ્રહ છે. Registration Link : https://bit.ly/ai4mfg-gcci રજીસ્ટ્રશેન કરાવનાર વ્યક્તિઓને તુર્ત જ કાર્યક્રમની રૂપરેખા મોકલી આપવામાં આવશે. કાર્યક્રમમાં હાજરી આપવા માટેની કોઈ રજીસ્ટ્રેશન ફી નથી.