આર્ટિફિશિયલ ઇન્ટેલિજન્સ (AI) ચેટબોટ ચેટજીટીપીની મદદથી એક વ્યક્તિનો જીવ બચ્યો
જ્યારે આર્ટિફિશિયલ ઇન્ટેલિજન્સ (AI) ચેટબોટ ChatGPT એ વ્યાવસાયિકો અને કંપનીઓ માટે જીવન સરળ બનાવ્યું છે, ત્યારે એક સોશિયલ મીડિયા યુઝરે દાવો કર્યો છે કે તેનાથી તેમનો જીવ બચી ગયો છે. એક રિપોર્ટ અનુસાર, ચેટજીપીટીએ વર્કઆઉટ પછી ખરાબ સ્વાસ્થ્યને કારણે થતી ગંભીર અને જીવલેણ બીમારીની ઓળખ કરી. અનામી યુઝરે કહ્યું કે તેણે થોડા દિવસો પહેલા હળવી કસરત કરી હતી, જેના પછી તેને શરીરમાં ભારે દુખાવો અને અસ્વસ્થતા અનુભવાવા લાગી. જ્યારે તેમની તબિયત બગડી, ત્યારે તેમણે ચેટજીપીટી સાથે પોતાના લક્ષણો શેર કર્યા. ચેટબોટે તાત્કાલિક હોસ્પિટલ જવાની સલાહ આપી.
યુઝર્સે વધુમાં જણાવ્યું હતું કે, "મેં ChatGPT ને મારા લક્ષણો સમજાવ્યા, અને તેણે મને તાત્કાલિક હોસ્પિટલમાં જવાની સલાહ આપી કારણ કે મારા લક્ષણો મધ્યમથી ગંભીર રેબડોમાયોલિસિસ સાથે મેળ ખાતા હતા." ચેટજીપીટીની સલાહને અનુસરીને, હોસ્પિટલમાં ગયો અને પોતાની તપાસ કરાવી. પરિણામે, તેમને ગંભીર રેબડોમાયોલિસિસ હોવાનું નિદાન થયું હતું.
યુઝર્સે જણાવ્યું હતું કે, "હોસ્પિટલમાં તપાસ કર્યા પછી મને ગંભીર રેબડોમાયોલિસિસ હોવાનું જાણવા મળ્યું. મને એક અઠવાડિયા સુધી હોસ્પિટલમાં રહેવું પડ્યું જ્યાં મને IV પ્રવાહીથી સારવાર આપવામાં આવી અને મારી સ્થિતિનું નિરીક્ષણ કરવામાં આવ્યું." યુઝરે એ પણ ખુલાસો કર્યો કે તેણે ચેટજીપીટીની મદદથી તેના લેબ પરિણામોનું વિશ્લેષણ કર્યું, જે ડોકટરો દ્વારા જણાવવામાં આવેલા તારણો સાથે મેળ ખાતા હતા. ચેટજીપીટીના વિશ્લેષણથી મને પરિસ્થિતિ સ્પષ્ટ થઈ ગઈ હતી.
રેબડોમાયોલિસિસ એક ગંભીર તબીબી સ્થિતિ છે જેમાં સ્નાયુ પેશીઓ ઝડપથી તૂટી જાય છે. આનાથી કિડનીને નુકસાન, મેટાબોલિક એસિડિસિસ અને ઇલેક્ટ્રોલાઇટ અસંતુલન જેવી ગૂંચવણો થઈ શકે છે. જો સમયસર સારવાર ન મળે તો તે જીવલેણ પણ બની શકે છે.
- નેટીઝન્સ (ઇન્ટરનેટ વપરાશકર્તાઓ) તરફથી પ્રતિક્રિયાઓ
સોશિયલ મીડિયા પર આ ઘટના અંગે ઘણી સકારાત્મક પ્રતિક્રિયાઓ આવી. એક યુઝરે લખ્યું: "ખુશ છું કે તમે હવે ઠીક છો. આવા કિસ્સાઓમાં ચેટજીપીટી અત્યંત ઉપયોગી થઈ શકે છે." બીજાએ કહ્યું: "મેં મેડિકલ નોટ્સ માટે પણ ChatGPT નો ઉપયોગ કર્યો છે. તે ખરેખર મદદરૂપ છે." ત્રીજાએ ટિપ્પણી કરી: "આ AI નો યોગ્ય રીતે ઉપયોગ કરવાની રીત છે. લક્ષણો શેર કરો અને પછી ડૉક્ટર પાસેથી પુષ્ટિ મેળવો."
બીજા એક યુઝરે તેની સારવારમાં ChatGPT ની ભૂમિકા શેર કરી: "ChatGPT એ મારી બિલાડીનો જીવ પણ બચાવ્યો. ડૉક્ટરે કહ્યું કે બિલાડીના પાછળના પગમાં લોહી ગંઠાવાનું હતું, પરંતુ ChatGPT એ તેને હાઈ બ્લડ પ્રેશર માટે તપાસ કરાવવા કહ્યું."
