હોમગુજરાતદેશ-વિદેશરાજનીતિમનોરંજનટેકનોલોજીવેપારપ્રવાસરમત - ગમતરિવોઈહિરોઝ
Advertisement

સાવરકૂંડલા નજીક નેશનલ હાઈવે પર કન્ટેનર પલટી જતા કલાકો સુધી ટ્રફિકજામ સર્જાયો

03:03 PM Nov 30, 2025 IST | Vinayak Barot
Advertisement

અમરેલીઃ  જિલ્લાના સાવરકૂંડલા નજીક હાઈવે પર આજે સવારે એક મસમોટો કન્ટેનર ટ્રક પલટી મારતા મહુવા-જેતપુર નેશનલ હાઈવે પર વાહનવ્યવહાર સંપૂર્ણપણે ઠપ થઈ ગયો હતો. કન્ટેનર રોડની બરાબર વચ્ચે પલટી ખાઈ જતાં હાઈવેની બંને તરફ વાહનોની લાંબી કતારો લાગી ગઈ હતી, જેના કારણે હજારો વાહનચાલકો ટ્રાફિક જામમાં ફસાયા હતા. આ બનાવની જાણ થતાં સાવરકૂડલા પોલીસ દોડી ગઈ હતી. અને ક્રેઈન મંગાવીને કન્ટેનરને હટાવીને હાઈવેને ખૂલ્લો કર્યો હતો.

Advertisement

આ બનાવની વિગત એવી છે. કે, સાવરકુંડલા હાઇવે ઉપર સાવરકુંડલા તાલુકાના લાપાળીયા ગામ નજીક રાજકોટથી પીપાવાવ પોર્ટમાં આવી રહેલું કન્ટેનર અચાનક પલટી જતા હાઇવે બ્લોક થયો હતો. આ હાઇવે ઉપર 2 કિલોમીટર કરતા વધુ વાહનોની લાઇન લાગી હતી. જેમાં લગ્ન કરવા નીકળેલા વરરાજાની ગાડી પણ ટ્રાફિકમાં ફસાઈ ગઈ હતી. પોલીસે ઘટના સ્થળે પહોંચીને ક્રેનની મદદથી કન્ટેનર દૂર કર્યા બાદ ટ્રાફિક હળવો થયો હતો. અંદાજે 4 કલાક સુધી હાઈવે પર ટ્રાફિકજામની સ્થિતિ જોવા મળી હતી. હાઈવે પર એસ.ટી બસો સહિત નાના મોટા વાહનો તમામ ફસાયા હતા. ટ્રાફિકમાં કારણે વાહન ચાલકો ભારે મુશ્કેલીનો સામનો કરવો પડ્યો હતો.

અમરેલી જિલ્લામાં અકસ્માતના બનાવો વધી રહ્યા છે. ગઈ મોડી સાંજે સાવરકુંડલા તાલુકાના સેન્જળ ગામ નજીક બોલેરો પલટી મારતા 1 વ્યક્તિનું મોત નીપજ્યું હતું. 2 દિવસ પહેલા ભાવનગર સોમનાથ નેશનલ હાઇવે ઉપર બાઇક ટ્રક વચ્ચે અકસ્માતમાં 1 વ્યક્તિનું મોત થયું હતું. 1 દિવસ પહેલા લાઠીના ચાવન્ડ ગામ નજીક કાર બાઇક વચ્ચે અકસ્માતમાં 1 બાઇક ચાલકનું ઘટના સ્થળે જ કમકમાટી ભર્યા મોત બાદ આજે કન્ટેનર પલટી મારી જતા માર્ગ ઉપર અફડા તફડી મચી હતી. સદનસીબે કન્ટેનર ચાલકનો આબાદ બચાવ થયો હતો.

Advertisement

 

 

 

 

Advertisement
Tags :
Aajna SamacharBreaking News Gujaraticontainer overturningGujarati AkhbarGujarati HeadlinesGujarati newsGujarati News ChannelGujarati NewspaperGujarati ReportGujarati samacharLatest News Gujaratilocal newsLocal SamacharLokpriya SamacharMajor NEWSMota Banavnational highwayNews ArticleNews BlogNews in GujaratiNews LiveNews UpdatesPopular NewsSamachar ArticleSamachar BlogSamachar LiveSamachar SamacharSavarkundlaTaja Samachartraffic jamviral news
Advertisement
Next Article