હિમાચલમાં વરસાદ અને ભૂસ્ખલનને કારણે અત્યાર સુધીમાં 194 લોકોના મોત, 613 રસ્તા બંધ
હિમાચલ પ્રદેશમાં ચોમાસાનો કહેર લગાતાર ચાલું છે. ભારે વરસાદ, ભસ્ખલન અને વૃક્ષો પડવાની ઘટનાઓને કારણે રાજ્યમાં જન-જીવન પર ખરાબ અસર પડી છે. અત્યાર સુધમાં 194 લોકોના મોત થયા છે, જ્યારે 301 લોકો ઘાયલ થયા છે. 36 લોકો હજી સુધી ગુમ છે. રાજ્યમાં કુલ 1852 કરોડ રૂપિયાથી વધારે નુકશાન થયું છે.
613 રસ્તાઓ બંધ, 1491 ટ્રાન્સફોર્મર કામ કરતા બંધ
વરસાદને કારણે 4 નેશનલ હાઈવે (NH 05, NH 305, NH 21, NH 003) સહિત કુલ 613 રસ્તાઓ બંધ છે. 1491 ટ્રાન્સફોર્મર બંધ થઈ ગયા છે, જેના કારણે ઘણા વિસ્તારમાં વીજ પુરવઠો ખોરવી ગયો છે. તે જ સમયે 265 પીવીના પાણીની યોજનાને પણ અસર થઈ છે.
કુદરતી આફતને કારણે 27306 પ્રાણીઓ અને પક્ષીઓએ પણ જીવ ગુમાવ્યો છે. પ્રશાસન રાહત કાર્યમાં વ્યસ્ત છે, પરંતુ સતત વરસાદને કારણે પરિસ્થિતિ કાબુમાં આવી રહી નથી.
શિમલામાં ભરારી-દુધલી નજીક ભૂસ્ખલનને કારણે રસ્તા પર વૃક્ષો પડી ગયા અને પોઆબો-ઓકલેન્ડ-લક્કર બજાર રસ્તો બંધ થઈ ગયો. તેવી જ રીતે, સંજૌલી-શિમલા રોડ પર જઈ રહેલી HRTC બસ પર અચાનક એક વૃક્ષ પડી ગયું, પરંતુ સદનસીબે કોઈ મોટી દુર્ઘટના બની નહીં.
કુલ્લુના બાગીપુલ વિસ્તારમાં ભારે વરસાદને કારણે ભૂસ્ખલનથી ઘરોમાં કાટમાળ ઘૂસી ગયો હતો. એક ગૌશાળા ધોવાઈ ગઈ હતી, પરંતુ ગ્રામજનોએ સમયસર ગાયને બચાવી લીધી હતી.
શૈક્ષણિક સંસ્થાઓમાં રજા, વહીવટીતંત્ર સતર્ક
સતત વરસાદને ધ્યાનમાં રાખીને, શિમલા જિલ્લાના થિયોગ, કુમારસેન, ડોદરા ક્વાર અને ચૌપાલ વિભાગની તમામ શાળાઓમાં રજા જાહેર કરવામાં આવી છે. વહીવટીતંત્રે લોકોને સતર્ક રહેવાની સલાહ આપી છે.
સોલન અને ચંબામાં પરિસ્થિતિ ગંભીર
સોલન જિલ્લામાં, બદ્દીના માનપુરાને ધરમપુર સાથે જોડતો પુલ વરસાદને કારણે તૂટી પડ્યો. તેનું કારણ ગેરકાયદેસર ખાણકામ હોવાનું કહેવાય છે. જેના કારણે આ વિસ્તારનો મુખ્ય રસ્તો બંધ થઈ ગયો છે.
બીજી તરફ, ચંબાના ચુરાહ વિસ્તારના કાંગેલા ગામમાં ભૂસ્ખલનથી ગામમાં ગભરાટ ફેલાયો હતો. ખડકો ઝડપથી ગામ તરફ ધસી આવ્યા, પરંતુ વચ્ચે દિશા બદલી નાખી, જેના કારણે ગામ એક મોઢાથી બચી ગયું.
ઘણા જિલ્લાઓમાં યલો એલર્ટ જારી
હવામાન વિભાગે 12 ઓગસ્ટ સુધી હિમાચલના ઘણા જિલ્લાઓમાં યલો એલર્ટ જારી કર્યું છે. કાંગડા, ચંબા, હમીરપુર, કુલ્લુ, ઉના અને મંડી જિલ્લામાં ભારે વરસાદની આગાહી છે. છેલ્લા 24 કલાકમાં કસૌલીમાં સૌથી વધુ 145 મીમી, ધરમપુરમાં 122.8 મીમી અને ગૌહરમાં 120 મીમી વરસાદ નોંધાયો છે.