રાષ્ટ્રપતિ દ્રૌપદી મુર્મૂના 'વીર બાલ દિવસ' પર 17 બાળકોને સન્માનિત કરાશે

નવી દિલ્હીઃ વીર બાલ દિવસ પર, બાળકોને પ્રધાનમંત્રી રાષ્ટ્રીય બાળ પુરસ્કારથી સન્માનિત કરવામાં આવશે. રાષ્ટ્રપતિ દ્રૌપદી મુર્મૂ 17 બાળકોને આ એવોર્ડ આપશે. આ દરમિયાન વડાપ્રધાન નરેન્દ્ર મોદી પણ હાજર રહેશે. પીએમ મોદી સુપોષિત પંચાયત યોજનાનું ઉદ્ઘાટન કરશે.

સોશિયલ મીડિયા પ્લેટફોર્મ X પર એક નિવેદન જારી કરીને, કેન્દ્રીય મહિલા અને બાળ કલ્યાણ મંત્રીએ માહિતી આપી હતી કે ભારતના બાળકોની સિદ્ધિઓ અને ક્ષમતાઓને સન્માનિત કરવા માટે 26મી ડિસેમ્બરે વીર બાલ દિવસ ઉજવવામાં આવશે. આ પ્રસંગે દેશભરમાં વિવિધ પ્રવૃત્તિઓનું આયોજન કરવામાં આવશે, જેમાં 14 રાજ્યો અને કેન્દ્રશાસિત પ્રદેશોના કુલ 17 બાળકોને સન્માનિત કરવામાં આવશે. આ એવોર્ડ સમારોહમાં 7 છોકરાઓ અને 10 છોકરીઓને 7 કેટેગરીમાં તેમના નોંધપાત્ર યોગદાન માટે સન્માનિત કરવામાં આવશે. આ કાર્યક્રમ બાળકોના સંઘર્ષ, તેમની મહેનત અને સફળતાને બિરદાવવાનો એક મહત્વપૂર્ણ અવસર બની રહેશે.

એવોર્ડ મેળવનાર બાળકોને મેડલ, પ્રમાણપત્ર અને પ્રશસ્તિપત્ર એનાયત કરવામાં આવશે. આ પ્રસંગે વડાપ્રધાન નરેન્દ્ર મોદી પણ કાર્યક્રમમાં હાજર રહેશે. પ્રધાનમંત્રી નરેન્દ્ર મોદી આ કાર્યક્રમમાં સુપોષિત પંચાયત યોજનાનું ઉદ્ઘાટન કરશે, જેનો ઉદ્દેશ્ય સ્થાનિક સ્તરે પોષણ સુરક્ષાને મજબૂત કરવાનો છે. કાર્યક્રમ દરમિયાન વિવિધ સંસ્કૃતિનું પ્રતિનિધિત્વ કરતા બાળકો દ્વારા માર્ચ પાસ્ટનું આયોજન કરવામાં આવશે. આ કાર્યક્રમમાં 3500 બાળકો ભાગ લેશે, જેઓ ભારતના સમૃદ્ધ સાંસ્કૃતિક વારસાને દર્શાવતી સાંસ્કૃતિક પ્રસ્તુતિઓ આપશે. આ કાર્યક્રમનો મુખ્ય ઉદ્દેશ્ય પોષણ સુરક્ષાને મજબૂત રીતે પ્રોત્સાહન આપવાનો છે.

કાર્યક્રમમાં બાળકો સાંસ્કૃતિક કાર્યક્રમો પણ રજૂ કરશે. વિવિધ સંસ્કૃતિઓનું પ્રતિનિધિત્વ કરતી માર્ચ પાસ્ટમાં બાળકો પણ જોડાશે. આ ઉપરાંત, સમગ્ર દેશમાં શાળાઓ, બાળ સંભાળ સંસ્થાઓ, આંગણવાડી કેન્દ્રોમાં વાર્તા કહેવા, સર્જનાત્મક લેખન, પોસ્ટર નિર્માણ, નિબંધ લેખન, કવિતા અને પ્રશ્નોત્તરી જેવા વિવિધ કાર્યક્રમોનું આયોજન માય ગવ/માય ભારત પોર્ટલ પર ઓનલાઈન પ્રવૃત્તિઓ સાથે કરવામાં આવશે.

બીર બાલ દિવસ 26 ડિસેમ્બરે ઉજવવામાં આવે છે, જે શીખ ઇતિહાસ સાથે સંકળાયેલ એક મહત્વપૂર્ણ દિવસ છે. 26 ડિસેમ્બરને વીર બાલ દિવસ તરીકે ઉજવવાનું મુખ્ય કારણ એ છે કે દસમા શીખ ગુરુ ગોવિંદ સિંહ જીના નાના સાહિબજાદા અને પાંચ વર્ષના તેમના નાના ભાઈ બાબા ફતેહ સિંહ જોરાવર સિંહની બહાદુરીનું સન્માન કરવું.